Serikali ya Marekani Yashiriki Uzinduzi wa Ndondo Cup 2024, kupitia kampeni za SITETEREKI na FURAHA YANGU na CHANJO NI MAISHA

Mkazi wa Jiji la Dar es Salaam akipata vipimo vya afya wakati wa hafla ya uzinduzi wa michuano ya Ndondo Cup 2024. Serikali ya Marekani, kwa kushirikiana na Wizara ya Afya na Ofisi ya Rais - Tawala za Mikoa na Serikali za Mitaa (TAMISEMI) nchini Tanzania, imetangaza ushirikiano na mashindano ya Ndondo Cup 2024  kupitia kampeni zake mashuhuri za ‘SITETEREKI’, ‘FURAHA YANGU’ na ‘CHANJO NI MAISHA’ ili kuchochea huduma za VVU na chanjo. Mashindano haya yatafanyika katika mikoa nane nchini Tanzania, ikiwemo Dar es Salaam, Dodoma, Mwanza, Mbeya, Iringa, Ruvuma, Pwani na Kagera.

Wizara ya Afya, Ofisi ya Rais – TAMISEMI na Serikali ya Marekani (USAID na PEPFAR) kupitia mradi wa Breakthrough ACTION, wameungana na kamati ya maandalizi ya Ndondo Cup, na wadhamini wengineo ikiwemo CRDB na ASAS, kusogeza huduma za afya hasa huduma za VVU na chanjo. Ushiriki huu kwenye Ndondo Cup 2024, unafanywa kupitia kampeni ya afya ya vijana iitwayo SITETEREKI, kampeni ya wanaume kupambana na VVU iitwayo FURAHA YANGU na Kampeni yab chanjo ya kitaifa iitwayo CHANJO NI MAISHA. Mashindano ya Ndondo Cup 2024 yatafanyika katika mikoa nane ya Tanzania - Dar es Salaam, Iringa, Mbeya, Ruvuma, Kagera, Dodoma, Mwanza, na Pwani.

Mashindano yalianza rasmi Juni 30, 2024, na mechi ya ufunguzi ya kusisimua kati ya Manzese Warriors na Makuburi FC kwenye Uwanja wa Kinesi, kata ya Sinza. Washiriki walipata huduma kamili za afya, ikiwa pamoja na vipimo vya VVU na matibabu na huduma za chanjo. Mgeni rasmi aliyefurahishwa na mpango huu wa ubunifu, aliipongeza kamati ya maandalizi na wadhamini kwa kujumuisha burudani na huduma za afya.

"Tumejitolea kubuni mbinu zinazotoa matokeo halisi ya kiafya," alisema Evangelina Chihoma kutoka Ofisi ya PEPFAR.

"Tunaamini kwamba michezo inaweza kuongeza nguvu kubwa katika kuleta mabadiliko ya tabia na kuboresha upatikanaji wa huduma, na tunafurahia kushirikiana na Ndondo Cup na Serikali ya Jamhuri ya Muungano wa Tanzania kufanikisha mashindano haya."

Lulu Msangi, Mtaalamu wa Programu kutoka Shirika la maendeleo la Marekani (USAID) aliongezea, "Tunatumia michezo kuhamasisha Watanzania kupata chanjo na kulinda familia zao."

Mpango huu wa ubunifu utatekelezwa kwenye ngazi ya kitaifa na jamii, ukilenga kuwafikia vijana wanaoshiriki shughuli za kimichezo kupata elimu na huduma za afya hasa zinazohusu VVU na chanjo. Kwa kuingiza huduma za afya katika burudani, mpango huu unalenga upokeaji wa huduma za afya miongoni mwa wavulana na wanaume kwa kutumia umaarufu wa soka.

Mashabiki wa mpira wa miguu kutoka maeneo mbali mbali ya jiji la Dar es Salaam wakifuatilia uzinduzi wa michuano ya Ndondo Cup 2024. Serikali ya Marekani, kwa kushirikiana na Wizara ya Afya na Ofisi ya Rais - Tawala za Mikoa na Serikali za Mitaa (TAMISEMI) nchini Tanzania, imetangaza ushirikiano na mashindano ya Ndondo Cup 2024 kupitia kampeni zake mashuhuri za ‘SITETEREKI’, ‘FURAHA YANGU’ na ‘CHANJO NI MAISHA’ ili kuchochea huduma za VVU na chanjo. Mashindano haya yatafanyika katika mikoa nane nchini Tanzania, ikiwemo Dar es Salaam, Dodoma, Mwanza, Mbeya, Iringa, Ruvuma, Pwani na Kagera.

Evangelina Chihoma ambaye ni Mtaalamu wa taarifa za mkakati kutoka PEPFAR akizungumza wakati wa uzinduzi wa michuano ya Ndondo Cup 2024. Serikali ya Marekani, kwa kushirikiana na Wizara ya Afya na Ofisi ya Rais - Tawala za Mikoa na Serikali za Mitaa (TAMISEMI) nchini Tanzania, imetangaza ushirikiano na mashindano ya Ndondo Cup 2024 kupitia kampeni zake mashuhuri za ‘SITETEREKI’, ‘FURAHA YANGU’ na ‘CHANJO NI MAISHA’ ili kuchochea huduma za VVU na chanjo. Mashindano haya yatafanyika katika mikoa nane nchini Tanzania, ikiwemo Dar es Salaam, Dodoma, Mwanza, Mbeya, Iringa, Ruvuma, Pwani na Kagera.

Read More

Absa Dar City Marathon 2024 zatimua vumbi jijini Dar es Salaam

Mkuu wa Masoko na Mawasiliano wa Benki ya Absa Tanzania, Bwana Aron Luhanga (kushoto), akikabidhi zawadi kwa mshindi wa kwanza wa mbio za nusu marathon (Km 21) za Absa Dar City Marathon kwa upande wa wanaume, Dickson Paul kutoka Mwanza, mara baada ya kumalizika kwa mbio hizo jijini Dar es Salaam jana. Katikati ni Mkuu wa Kitengo cha Wateja Binafsi wa Absa, Bi. Ndabu Lilian Swere.

*Benki ya Absa yaahidi kuendeleza udhamini wake

Na mwandishi wetu, Dar es Salaam

MBIO za Absa Dar City Marathon 2024 zimetimua vumbi lake jijini Dar es Salaam jana katika hali ya hewa ya utulivu mara baada ya tishio la kimbunga Hidaya kupoteza uwezo wake Kwa mujibu wa taarifa kutoka mamlaka husika hivyo kuwafanya wakimbiaji kufurahia mandhari nzuri za jiji mashuhuri la Tanzania.

Ikiwa ni mara ya nne kufanya mbio hizi chini ya udhamini mkuu wa Benki ya Absa Tanzania, mtifuano huo ulishuhudia wanariadha zaidi ya 3000 wakifukuza upepo katika mitaa ya katikati ya Jiji hilo katika mbio hizo ambazo licha ya lengo lake kuu kuwa ni kusaidia upatikanaji wa vifaa tiba kwa ajili ya Wodi ya wanawake ya Hospitali ya Mnazi Mmoja, lakini lingine ilikuwa ni kutangaza vivutio vya utalii vipatikanavyo katikati ya Jiji la Dar es Salaam.

Akizungumza mara baada ya kufanyika mbio hizo, Mkuu wa Masoko na Mawasiliano wa Benki ya Absa Tanzania, Bwana Aron Luhanga alisema kutokana na mafanikio ya mbio hizo, Benki Yao itaendelea kuwepo kwa kipindi kirefu katika kudhamini mbio hizo.

“Kama ahadi ya chapa yetu isemayo Tunadhamini Story Yako, Benki ya Absa itaendelea kuthamini story za maisha ya watanzania, kwani sehemu ya mapato ya mbio hizi yatakwenda kusaidia jamii kwa kuwezesha upatikanaji wa vifaa tiba kwa ajili ya wanawake na watoto.

“Absa tunaamini kuwa mtu yoyote anaweza kuandika story yake kutokana na mazoezi na kukimbia ni moja ya mazoezi, lakini pia tunaamini utajiri upo kwenye afya, na kukimbia kunaleta afya, hivyo jamii na nchini itapiga hatua kubwa ya kimaendeleo kukiwa na watu wenye afya Bora,Absa tupo kihakikisha Story hizo zinaandikwa kwa ufanisi” alisema Bwana Luhanga.

Akizungumza kuhusu huduma zao za kibenki Bwana Luhanga alisema benki yao imesheheni bidhaa na huduma mbalimbali zenye ubora wa kamataifa ikiwa ni pamoja na akaunti za watoto, mikopo ya nyumba, magari pamoja huduma ya kadi ya mkopo (credit card) ya kipekee nchini kabisa inayomwezesha mteja kupata kadi huyo ikiwa tayari imewekewa kiasi cha pesa cha kuanzia.

Naye Mwenyekiti wa The Runners Club, waandaaji wa Absa Dar City Marathon, Godfrey Mindu aliishukuru Benki ya Absa pamoja na wadhamini wengine kwani kujitoa kwao kunaenda kuleta mabadiliko makubwa kwa maisha ya watanzania.

Dar City Marathon 2024 ilishirikisha mbio za KM 5, 10 na 21 huku kwa upande wa KM 10 wanawake mshindi wa kwanza alikuwa Anastasia Dolomongo kutoka Arusha akitumia muda wa DK 34:04:31, kwa upande wa wanaume mshindi alikuwa Emanuel Shahanga kutoka Hanang akitumia muda wa Dk 29:00:03.

Kwa upande wa mbio za KM 21 za nusu marathon upande wa wanawake, ushindi wa kwanza ulienda kwa Sara Ramadhani kutoka Arusha pia akitumia muda wa Saa 1:13:21:08, huku kwa upande wa wanaume, Dikson Paul kutoka Mwanza akiibuka kidedea kwa kutumia muda wa Saa 1:02:58:04.

Mbali na Benki ya Absa kama mdhamini mkuu, wadhamini wengine ni Kampuni ya Alliance Life Assurance, Hill Water, Kilimanjaro Milk na Kampuni ya Garda Security.

Mkuu wa Kitengo cha Wateja Binafsi wa Benki ya Absa Tanzania, Bi. Ndabu Lilian Swere (kushoto), akikabidhi zawadi kwa mshindi wa kwanza wa mbio za nusu marathon (Km 21) za Absa Dar City Marathon kwa upande wa wanawake, Sara Ramadhani kutoka Arusha, mara baada ya kumalizika kwa mbio hizo jijini Dar es Salaam jana. Katikati ni Mkuu wa Masoko na Mawasiliano wa Benki wa Absa, Bwana Aron Luhanga.

Mkuu wa Kitengo cha Wateja Binafsi wa Benki ya Absa Tanzania, Bi. Ndabu Lilian Swere (kushoto), akikabidhi zawadi kwa mshindi wa kwanza wa mbio za KM 10 za Absa Dar City Marathon kwa upande wa wanawake, Anastasia Dolomongo kutoka Arusha, mara baada ya kumalizika kwa mbio hizo jijini Dar es Salaam jana. Katikati ni Mkuu wa Masoko na Mawasiliano wa Benki wa Absa, Bwana Aron Luhanga.

Read More

Uzinduzi wa Sinza Kwa Wajanja Marathon watikisa Dar

Mstahiki Meya wa Manispaa ya Kinondoni, Songoro Mnyonge (katikati), Diwani wa Kata ya Kijitonyama, Dama Lusangija, Mkuu wa Kituo cha Polisi Mabatini, ASP Soty Mtaki na mhamasishaji maarufu wa mtandaoni, Dotto Magari (kushoto), wakikata utepe kuzindua Sinza Kwa Wajanja Marathon 2024, jijini Dar es Salaam jana.

*Kusaidia wodi ya wazazi ya Hospitali ya Palestina

Na mwandishi wetu, Dar es Salaam.

Uzinduzi wa mbio za Sinza Kwa Wajanja Marathon umefanyika jijini Dar es Salaam jana katika hafla iliyopambwa na shamrashamra mbalimbali huku mgeni rasmi akiwa ni Mstahiki Meya wa Halmashauri ya Manispaa ya Kinondoni, Songoro Mnyonge.

Sinza Kwa Wajanja Marathon inatarajiwa kufanyika Juni 16 mwaka huu katika Viwanja vya Posta, Kijitonyama, wilayani Kinondoni huku wanariadha wakichuana katika mbio zenye umbali wa kilomita tano, 10 na 21 (nusu marathon), kulingana na mwenyekiti wa Klabu ya Marafiki wa Sinza, Bwana Geofrey Mhando.

Bwana Mhando alisema kwamba usajili wa Sinza Kwa Wajanja Marathon tayari umeshaanza na aliwasihi wadau wa michezo kujisajili ili kushiriki katika tukio hili la kihistoria.

Alisisitiza kwamba mbali ya kukuza maendeleo ya michezo, tukio hilo linalenga kukusanya fedha kusaidia wodi ya uzazi ya Hospitali ya Palestina.

"Tumejitolea kukuza afya njema nchini, ndio maana tumefanya uamuzi wa kuandaa tukio hili, sehemu ya fedha zitakazopatikana zitatumiwa kununua vifaa tiba kwa ajili ya wodi ya uzazi ya hospitali ya Palestina.

Tunatambua umuhimu wa Hospitali ya Palestina ya Sinza katika Wilaya ya Kinondoni, ikiwa msaada mkubwa si tu kwa wakazi wa Sinza bali pia kwa maeneo jirani, ni muhimu kuisaidia," alisema Bwana Mhando.

Aidha alisema mbio hizo zitashirikisha wanariadha wote wa kitaifa na wengineo kwani lengo kubwa hasa si kupata washindi bali ni kusaidia maendeleo ya watanzania wenzetu hususan wanawake na watoto wanaopata huduma za afya katika Hospitali ya Palestina.

"Mbio hizi zinatumika si tu kuunganisha wakazi wa Sinza kutoka maeneo tofauti bali pia kurahisisha kubadilishana mawazo, hivyo, wakazi wa zamani wa Sinza na wengine kutoka ndani na nje ya Sinza wanakaribishwa," aliongeza.

Bwana Mhando pia aliongeza kuwa kabla ya mbio kuanza, tarehe 15 Juni, kutakuwa na hafla ambayo wajasiriamali wataonyesha bidhaa zao kwenye viwanja vya Posta, ikiambatana na shamrashamra mbalimbali za burudani.

Kwa upande wake, Mstahiki Meya wa Manispaa ya Kinondoni, Songoro Mnyonge, alipongeza waandaaji wa Sinza kwa Wajanja Marathon kwa tukio hilo litakalochangia kuhamasisha maendeleo ya michezo na afya njema kwa wakazi wa Sinza na maeneo jirani huku akihamasisha wadau wa michezo nchini kushirikiana na waandaaji kufikia malengo yao.

"Hii ni wazo zuri sana, hasa kwa Sinza Kwa Wajanja Marathon, ambayo inafanyika mara ya kwanza, nawasihi wadau wote kusaidia waandaaji na kushiriki kwenye tukio huli," alisema Mstahiki Meya akizindua rasmi tukio hilo.

Kwa upande wake, Diwani wa Kata ya Kijitonyama, Bwana Dama Lusangija, alisema kwamba mbio hizo zitaongeza hamasa kwa wakazi wa maeneo hayo na maeneo jirani ili kujenga tabia ya kufanya mazoezi na kudumisha afya njema.

"Tunashukuru waandaaji kwa kuandaa mbio hizi, zinazofanyika kwa mara ya kwanza kwa wakazi wa Sinza na maeneo jirani, hili ni tukio la kihistoria ambalo litakuza si tu afya njema bali pia kukuza maendeleo ya michezo," alisema Bwana Lusangija.

Kwa upande mwingine, Mkuu wa Kituo cha Polisi Mabatini, Kamishna Msaidizi wa Polisi (ASP) Soty Mtaki alisema kuwa wamejiandaa kutoa usalama kwa washiriki wote kabla na wakati wa mashindano.

Baadhi ya wadhamini wa Sinza Kwa Wajanja Marathon ni, Kampuni ya Simu za Mkononi ya Tigo, Kampuni ya ulinzi ya SGA, IceDrop, Switch, Kuambiana Investment, Azam Media, Mapembelo Cargo na Gentlemen Club.

Mstahiki Meya wa Manispaa ya Kinondoni, Songoro Mnyonge (katikati), Diwani wa Kata ya Kijitonyama, Dama Lusangija, Mkuu wa Kituo cha Polisi Mabatini, ASP Soty Mtaki na mhamasishaji maarufu wa mtandaoni, Dotto Magari (kushoto), wakionyesha fulana zitakazovaliwa wakati mbio za Sinza Kwa Wajanja Marathon 2024, zinazotarajiwa kutimua vumbi katika Viwanja vya Posta, Kijitonyama, Dar es Salaam Juni 16 mwaka huu.

Read More

BAYPORT YANOGESHA ROMBO MARATHON

Naibu Waziri Mkuu, Dk. Doto Biteko akikabidhi cheti cha shukurani kwa Meneja Rasilimali Watu wa Taasisi ya Kifedha ya Bayport, Bi. Evalyn Hall (kulia), kutambua mchango wa kampuni hiyo kama mdhamini mkuu wa mbio za Rombo Marathon 2023 zilizotimua vumbi lake mjini Rombo mkoani Kilimanjaro jana. Kulia kwa Naibu waziri mkuu ni Waziri wa Elimu na Mbunge wa Rombo, Prof. Adolf Mkenda na kushoto kwake ni Waziri Biteko ni Mkuu wa Mkoa wa Kilimanjaro, Bwana Nurdin Babu.

Mkurugenzi wa Uendeshaji wa Taasisi ya Kifedha ya Bayport, Bwana Nderingo Materu (wa pili kushoto), Mkuu wa Mauzo wa kampuni hiyo, Bwana Lugano Kasambala (kushoto kwake), pamoja na wakimbiaji wengine, wakishiriki mbio za Rombo Marathon mjini Rombo, Kilimanjaro jana. Mbio hizo zilizodhaminiwa na Bayport, zina lengo la kuhamasisha vivutio vya utalii mkoani humo.

Mkuu wa Mkoa wa Kilimanjaro, Bwana Nurdin Babu (kulia), pamoja na baadhi ya wafanyakazi wa Taasisi ya Kifedha ya Bayport, wakishiriki mbio za Rombo Marathon mjini Romb, Kilimanjaro jana. Mbio hizo zilizodhaminiwa na Bayport, zina lengo la kuhamasisha vivutio vya utalii mkoani humo.

Na mwandishi wetu, Rombo, Kilimanjaro

TAASISI ya Kifedha ya Bayport imenogesha na kufanikisha mbio za Rombo Marathon 2023 zilizofanyika mjini Rombo, Kilimanjaro jana, zikiwa na lengo la kuhamasisha vivutio vya utalii wilayani humo.

Ikiwa ni mwaka wa pili sasa Rombo Marathon imefanyika ikihudhuriwa na viongozi wa kiserikali, wageni, na watu mashuhuri huku mgeni rasmi akiwa Naibu Waziri Mkuu wa Jamhuri ya Muungano wa Tanzania, Mhe, Dk. Doto Biteko.

Akizungumza wakati wa mbio hizo, Mkurugenzi wa Uendeshaji wa Bayport, Bwana Nderingo Materu alisema Bayport ilikubali kuwa mdhamini Rombo Marathon ikiwa ni kuunga mkono juhudi za serikali pamoja na muasisi wa mbio hizo, Waziri wa Elimu na Mbunge wa Rombo, Prof. Adolf Mkenda katika kukuza utalii pamoja na suala zima la uhifadhi wa mazingira.

“Kama mnavyofahamu sisi Bayport tumekuwa namba moja katika suala la utunzaji wa mazingira kwa njia ya upandaji miti, leo hii tumeamua kudhamini Rombo Marathon na tutaendelea kuunga mkono juhudi zozote nchini zenye lengo la kukuza utalii na kuhifadhi mazingira."

“Lakini pia kama inavyofahamika umuhimu wa kufanya mazoezi ya mwili kwa ajili ya ubora wa afya za wafanyakazi na familia zetu, tunaamini mbio hizi zitaleta hamasa pia kwa watanzania kutilia mkazo umuhimu wa kufanya mazoezi ili kujiepusha na magonjwa yasiyo ya kuambukiza,” alisema Bwana Materu.

Katika hotuba yake, Naibu Waziri Mkuu, Mhe, Dk. Biteko alitoa pongezi kwa waandaaji na wadhamini wa mbio za Rombo Marathon akisema zimekuwa na mafanikio makubwa lakini kikubwa ikiwa ni kujifunza utamaduni wa wana Rombo pamoja ya vivutio vya utalii vinavyopatikana katika wilaya na mkoa huo.

“Natoa pongezi nyingi kwa muasisi wa Rombo Marathon, Waziri wa Elimu na Mbunge wa Rombo, Prof. Mkenda, natoa pongezi kwa serikali ya Mkoa wa Kilimanjaro, Wilaya ya Rombo bila kuwasahau wadhamini wote waliojitolea rasilimali zao kufanikisha tukio hili."

“Serikali chini ya Rais, Mhe, Dk. Samia Suluhu Hassan itaendelea kuunga mkono juhudi yoyote inayofanywa yenye lengo la kuwaletea maendeleo watu wa Rombo na kwa watanzania kwa ujumla,” alisema Mheshimiwa Naibu Waziri Mkuu.

Naye Waziri wa Elimu, Mbunge wa Rombo na muasisi wa mbio hizo, Prof. Adolf Mkenda alitoa shukurani zake kwa Mhe. Naibu Waziri Mkuu, Dk. Biteko kwa kukubali kuwa mgeni rasmi pamoja na wadhamini wa mbio hizo Taasisi ya Kifedha ya Bayport kwa kufanikisha tukio hilo muhimu kwa maendeleo ya watu wa Rombo na wananchi wa Kilimanjaro.

“Namshukuru sana Mheshimiwa Naibu Waziri Mkuu kwa kuungana na wana Rombo katika kushiriki tukio hili, natoa pia shukrani kwa wadhamini wote waliowezesha kufanya tukio hili kuwa lenye ubora ikiwemo Taasisi ya Bayport Financial Services,” alisema Prof. Mkenda.

Awali Mkuu wa Mkoa wa Kilimanjaro, Bwana Nurdin Babu, alichukua nafasi hiyo kuwakaribisha wageni wote wanaotoka ndani na nje ya Tanzania kwenda kuangalia vivutio vya utalii mkoani humo akisema Kilimanjaro ipo salama na wapo tayari kuwapokea na kuwahudumia.

Mbio za Rombo Marathon zinazofanyika kwa mwaka wa pili sasa zimeshirikisha mbio za Km 21, Km 10 na mbio za kujifurahisa za kilomita 5.

Read More

Benki ya Absa kuendelea kudhamini Absa Dar City Marathon

Mkurugenzi Mtendaji wa Benki ya Absa Tanzania, Obedi Laiser akiwa katika picha ya pamoja na wafanyakazi wa benki hiyo walioshiriki mbio za Absa Dar City Marathon zilizofanyika Kwa udhamini mkuu wa benki hiyo jijini Dar es Salaam Jana. Wafanyakazi 200 wa Absa walishiriki katika mashindano hayo yaliyoshirikisha wakimbiaji zaidi ya 3000.

Mshindi wa Kwanza wa Mbio za Absa Dar City Marathon, , Augustino Sulle ( kulia) akipokea zawadi kutoka kwa Mkurugenzi Mtendaji wa Benki ya Absa Tanzania, Obedi Laiser mara baada ya kufanyika Kwa kinyang'anyiro hicho jijini Dar es Salaam Jana. Kulia ni Mkuu wa Masoko na Mahusiano wa Benki hiyo, Aron Luhanga. Benki ya Absa ilikuwa mdhamini mkuu wa mbio hizo ikitoa kiasi cha shs milioni 45 kufanikisha mashindano hayo.

Mshindi wa nne wa Mbio za Absa Dar City Marathon, Oscar Shananga ( kulia) akipokea zawadi kutoka kwa Mkuu wa Masoko na Mahusiano wa Benki ya Absa Tanzania, Aron Luhanga mara baada ya kufanyika Kwa kinyang'anyiro hicho jijini Dar es Salaam Jana. Kulia ni Mkurugenzi Mtendaji wa Benki hiyo, Obedi Laiser. Benki ya Absa ilikuwa mdhamini mkuu wa mbio hizo ikitoa kiasi cha shs milioni 45 kufanikisha mashindano hayo.

Mkurugenzi Mtendaji wa Benki ya Absa Tanzania, Obedi Laiser (kushoto) pamoja na washiriki wengine wakipoza viungo muda mfupi baada ya kumalizika Kwa mbio za Absa Dar City Marathon zilizofanyika Kwa udhamini mkuu wa benki hiyo jijini Dar es Salaam Jana.

Mkuu wa Kitengo cha Masoko na Mawasiliano wa Benki ya Absa Tanzania, Aron Luhanga (kushoto), Meneja Mahusiano wa benki hiyo, Theresia Kahesa (katikati) pamoja na wakimbiaji wengine wakishiriki mbio za Kilomita 21 za Absa Dar City Marathon zilizofanyika jijini Dar es Salaam jana. Benki ya Absa ilikuwa mdhamini mkuu wa mbio hizo ikitoa kiasi cha shs milioni 45 kufanikisha mashindano hayo.

Mkurugenzi Mtendaji wa Benki ya Absa Tanzania, Obedi Laiser (katikati) akipozi kwa picha ya kumbukumbu na baadhi ya wakimbiaji baada ya kumalizika kwa mbio za Absa Dar City Marathon zilizofanyika Kwa udhamini mkuu wa benki hiyo jijini Dar es Salaam Jana.

Mkuu wa Masoko na Mahusiano wa Benki ya Absa Tanzania, Aron Luhanga (kushoto), akipokea cheti cha shukurani kutoka Kwa mmoja wa maofisa wa The Runners Club, Kwa kutambua mchango wa Absa kama mdhamini Mkuu wa mbio za mwaka huu.

BENKI ya Absa Tanzania imesema itaendelea kudhamini mbio za Absa Dar City Marathon ikiwa kama mdhanini mkuu kutokana na faida za mbio hizo kwa ustawi wa afya za watanzania.

Akizungumza wakati wa mbio hizo zilizotimua vumbi jijini Dar es Salaam leo, Mkurugenzi Mtendaji wa Benki ya Absa, Obedi Laiser alisema kama Absa wanaamini kukimbia kunaleta fursa nyingi katika maisha ikiwa ni pamoja na afya njema jambo muhimu katika ufanisi wa shughuli za uzalishaji mali.

“Katika kukimbia tunajenga afya zetu, ili tuweze kufanya shughuli zetu, tuweze kuishi kwa muda mrefu, ni dhana mojawapo ambayo sisi Absa tunaiishi na ndio maana tukaungana na The Runners Club ili tuweze kuboresha maisha ya watanzania,” alisema Bwana Laiser.

Alisema Absa kama benki kongwe kuliko zote Tanzania ikitoa shughuli za kibenki tokea mwaka 1925 ni imani yao kwa kushirikiana na waandaaji wa mbio hizo, Klabu ya The Runners mbio hizo zitaendelea kukua na kufikia viwango vya Kimataifa.

“The Runners Club ni wabobezi katika marathon na sisi kama Absa ni wabobezi hasa inapokuja katika utoaji wa huduma bora za kibenki hivyo tunaamini kwa pamoja tunaweza kuifikisha marathon hii mbali zaidi,” alisema mkurugenzi huyo.

Katika mbio hizo Mkuu wa Kitengo cha Habari cha Runners Club, alisema pamoja na mambo mengine mbio hizo zina malengo ya kutangaza vivutio vya utalii wa Jiji la Dar es Salaam na ndio sababu zilianzia katika Viwanja vya Mnazi Mmoja jijini humo na kuzunguuka katika mitaa na barabara mbalimbali maarufu jijini humo.

Zaidi ya wanariadha 3000 kutoka mikoa mbalimbali nchini walipimana ubavu wakishindana katika mbio za km 21, 10 na 5 huku washindi walikabidhiwa zawadi ya za medali na pesa taslimu.

Read More

Benki ya Absa yatoa sh milioni 45 kudhamini Absa Dar City Marathon

Mkuu wa Kitengo cha Masoko na Mawasiliano wa Benki ya Absa Tanzania, Aron Luhanga (wa pili kulia) akizungumza jijini Dar es Salaam leo wakati akitangaza udhamini wao wa shs milioni 45 katika mbio za Absa Dar City Marathon zinazotarajiwa kutimua vumbi jijini humo mei 7 mwaka huu. Wengine kutoka kulia ni Meneja Masoko wa Britam Insurance, Leoncia Makobo, Mkuu wa Kitengo cha Habari wa Klabu ya The Runners, Godfrey Mwangungulu, Meneja Masoko na Mauzo wa Kampuni wa Bima ya Alliance Life Assurance, Jawa Masomo na na Katibu wa The Runners, Scola Kisanga.

Mkuu wa Kitengo cha Habari wa Klabu ya The Runners, waandaaji wa Dar City Marathon ,Godfrey Mwangungulu (wa pili kulia), akizungumza katika hafla hiyo. Kulia ni Mkuu wa Masoko na Mawasiliano wa Benki ya Absa Tanzania, Aron Luhanga.

Mkuu wa Kitengo cha Masoko na Mawasiliano wa Benki ya Absa Tanzania, Aron Luhanga (kulia), Mkuu wa Kitengo cha Habari wa Klabu ya The Runners, Godfrey Mwangungulu, Meneja Masoko na Mauzo wa Kampuni wa Bima ya Alliance Life Assurance, Jawa Masomo, Meneja Masoko wa Britam Insurance, Leoncia Makobo na Katibu wa The Runners, Scola Kisanga, wakionyesha fulana zitakazovaliwa siku ya mbio za Absa Dar City Marathon zinazotarajiwa kufanyika Mei 6 jijini Dar es Salaam. Absa imetoa udhamini wa kiasi cha shs milioni 45. Hafla hiyo imefanyika jijini humo leo.

*'Ni kwa ajili ya kupambana na magonjwa yasiyoambukiza'*

WATANZANIA wameshauriwa kulinda afya zao Kwa kushiriki mbio na mazoezi ya viungo kwani afya ni mtaji muhimu katika shughuli za uzalishaji mali.

Ushauri huo umetolewa jijini Dar es Salaam na Mkuu wa Masoko na Mawasiliano wa Benki ya Absa Tanzania, Aron Luhanga wakati akizungumzia udhamini wa Absa katika mbio za kilomita 21 za Absa Dar City Marathon, zinazotarajiwa kutimua vumbi jijini humo jumapili wiki hii.

Bwana Aron alisema Benki ya Absa kwa kutambua kuwa afya ni mtaji mkubwa sana Kwa wafanyakazi, wateja na Kwa jamii ya watanzania na kuwa bila ya kuwa na afya njema shughuli za kiuchumi haziwezi kwenda kadri zinavyotakiwa benki yao imekubali kutoa udhamini wa mbio hizo wenye thamani ya shs milioni 45.

“Kama Absa tunajisikia furaha sana kuungana na waandaaji wa Dar City Marathon tukiwa wadhamini wakuu wa mbio hizi tukitoa udhamini wa kiasi cha shs milioni 45 ambazo pia zikiwa na lengo la kuisaidia jamii kupambana na magonjwa yasiyo ya kuambukiza."

“Natoa wito kwa watanzania, wateja wetu kujitokeza Kwa wingi kushiriki mbio hizi, mtu akiwa anafanya mazoezi akiwa anakimbia, anajenga afya na hapo hapo anapata utajiri wake."

“Baada ya mbio hizi tutaungana na Runners Club kwenda katika Hospitali ya Mnazi Mmoja Ili kukabidhi vifaa vitakanyosaidia jamii wakiwemo watoto kupambana na magonjwa yasiyoambukiza”, alisema Bwana Aron.

Akizungumza Mkuu wa Kitengo cha Habari Klabu ya The Runners waandaaji wa mbio hizo, Godfrey Mwangungulu alitoa shukurani kwa Absa pamoja ma wadhanini wengine kwa kudhamini mbio hizo ambazo zaidi ya Watu 3000 watashiriki akisema pamoja mambo mengine zitasaidia kutangaza vivutio vya utalii vya Jiji la Dar es Salaam kwani zitapita katika mitaa mashuhuri ya jiji hilo.

“Tunaungana na majiji mengine sehemu mbalimbali barani Afrika kuwa sehemu ya historia kwenda kutangaza vivutio mbalimbali vya utalii katika Jiji letu la Dar es Salaam, hii ikiwa ni mara ya kwanza kwa mbio hizi kufanyika katikati ya jiji, natoa wito kwa watu kujitokeza kwa wingi kwa pamoja na mbio hizo pia kuna burudani mbalimbali zimeandaliwa zitakazofanyika katika ziwanja vya Mnazi Mmoja jijini Dar es Salaam", alisema.

Mbio za Absa Dar City Marathon zitajumuisha mbio za kilomita 21, mbio za kilomita 10 na mbio za kujifurahisha za kilomita 5 ambazo zawadi mbalimbali zitatolewa zikiwemo pesa tasilimu kwa mshindi wa kwanza hadi wa 10 kwa wanawake na wanaume. 

Read More

KP MOTORZ YANG’ARISHA FAMILIA MARATHON 2021 YAKABIDHI GARI KWA MSINDI WA KM 21 WANAWAKE

   

Mkuu wa Mauzo na Uendeshaji wa Kampuni ya Kuagiza na Kuuza Magari ya KP Motorz, Lucas Mwamfupe (kulia), akikabidhi funguo ya gari jipya aina ya Toyota Passo lenye thamani ya shs milioni 9.5 kwa mshindi wa kwanza wa KM 21 Wanawake wa mbio za Familia Marathon 2021, Aisha Ibrahim, jijini Dar es Salaam leo. Wanaoangalia kutoka kushoto ni Meneja Mauzo kwa Makampuni wa KP Motorz, Protas Mbeya na Mwenyekiti wa Familia Marathon, Francisca Alphonce

Mkuu wa Mauzo na Uendeshaji wa Kampuni ya Kuagiza na Kuuza Magari ya KP Motorz, Lucas Mwamfupe (kushoto), akikabidhi cheti kwa mshindi wa kwanza wa KM 21 Wanawake wa mashindano ya mbio za Familia Marathon 2021, Aisha Ibrahim, wakati wa mashindano hayo jijini Dar es Salaam leo. Kulia ni Mwenyekiti wa Familia Marathon, Francisca Alphonce.

Mkuu wa Mauzo na Uendeshaji wa Kampuni ya Kuagiza na Kuuza Magari ya KP Motorz, Lucas Mwamfupe (kushoto), akikabidhi cheti kwa mshindi wa pili wa KM 21 Wanawake wa mashindano ya mbio za Familia Marathon 2021, Jamila Abdallah, wakati wa mashindano hayo jijini Dar es Salaam leo. Kulia ni Mwenyekiti wa Familia Marathon, Francisca Alphonce.

Mkuu wa Mauzo na Uendeshaji wa Kampuni ya Kuagiza na Kuuza Magari ya KP Motorz, Lucas Mwamfupe (kushoto), akikabidhi cheti kwa mshindi wa tatu wa KM 21 Wanawake wa mashindano ya mbio za Familia Marathon 2021, Verah Mrema, wakati wa mashindano hayo jijini Dar es Salaam leo. Kulia ni Mwenyekiti wa Familia Marathon, Francisca Alphonce.

Mkuu wa Mauzo na Uendeshaji wa Kampuni ya Kuagiza na Kuuza Magari ya KP Motorz, Lucas Mwamfupe (kushoto), akikabidhi cheti kwa mshindi wa nne wa KM 21 Wanawake wa mashindano ya mbio za Familia Marathon 2021, Shameeza Mukhi, wakati wa mashindano hayo jijini Dar es Salaam leo. Kulia ni Mwenyekiti wa Familia Marathon, Francisca Alphonce.

Mkuu wa Mauzo na Uendeshaji wa Kampuni ya Kuagiza na Kuuza Magari ya KP Motorz, Lucas Mwamfupe (kushoto), akikabidhi cheti kwa mshindi wa tano wa KM 21 Wanawake wa mashindano ya mbio za Familia Marathon 2021, Nimishal Ladha, wakati wa mashindano hayo jijini Dar es Salaam leo. Kulia ni Mwenyekiti wa Familia Marathon, Francisca Alphonce.

Mshindi wa Mbio za KM 21 Wanawake za Familia Marathon 2021, Aisha Ibrahim akijaribu kuwasha gari lake mara baada ya kukabidhiwa na wadhamini, Kampuni ya Magari ya KP Motorz mara baada ya kumalizika kwa mbio hizo jijini Dar es Salaam leo. Aisha atakuwa pia balozi wa KP Motorz kwa muda wa mwaka mmoja.

Mwenyekiti wa Familia Marathon 2021, Francisca Alphonce (wa nne kushoto), akikabidhi tuzo kwa Mkuu wa Mauzo na Uendeshaji wa Kampuni ya Magari ya KP Motorz, Lucas Mwamfupe ya kutambua mchango wa udhamini wa kampuni hiyo katika mbio za mwaka huu za Familia Marathon zilizotimua vumbi jijini Dar es Salaam leo zikifanyika eneo la Msasani Beach Club. KP Motorz ilitoa gari jipya aina ya Toyota Passo kwa mshindi wa pili wa KM 21 Wanawake.

Mshindi wa Mbio za KM 21 za Familia Marathon 2021, Aisha Ibrahim akipozi kwa picha mbele ya gari lake, Toyota Passo lililotplewa zawadi na Kampuni ya kuagiza na kuuza magari ya KP Motorsz mara baada ya kuibuka kidedea katika mbio hizo jijini Dar es Salaam leo.

Read More

FAMILIA MARATHON 2021 KUTIMUA VUMBI JUMAMOSI DISEMBA 11

Mwenyekiti wa mbio za Familia Marathon 2021, Bi. Francisca Alphonce (wa tatu Kulia), akizungumza na waandishi wa habari jijini Dar es Salaam leo kuhusu mbio hizo zinazotarajiwa kufanyika jijini Dar es Salaam Disemba 11, jumamosi. Wengine ni wawakilishi wa Kampuni zinazodhamini mbio hizo.

Mkuu wa Masoko, Mawasiliano na Uhusiano wa Benki ya KCB, Christina Manyenye (wa nne kushoto), akizungumza na waandishi wa habari jijini Dar es Salaam leo kuhusu udhamini wao katika mbio za Familia Marathon 2021 zinazotarajiwa kutimua vumbi lake jijini Dar es Salaam jumamosi wiki hii. Usajili unaendelea kufanyika katika Tawi la KCB Mlimani City.

Ofisa Habari Familia Marathon (kushoto), akizungumza na waandishi wa habari jijini Dar es Salaam leo kuhusu mbio hizo zinazotarajiwa kufanyika jijini Dar es Salaam Disemba 11, jumamosi. Mbio zitaanzia Msasani Beach Club kuanzia saa 12 asubuhi zikijumuisha mbio za 21km -half marathon, 10km- Corporate Run na 5km -Social Run.

Mkurugenzi Mtendaji was Kampuni ya magari ya KP Motors, Anita Kisima (kushoto), akizungumza na waandishi wa habari jijini Dar es Salaam leo kuhusu udhamini wao katika mbio za Familia Marathon 2021 zinazotarajiwa kutimua vumbi lake jijini Dar es Salaam jumamosi wiki hii. KP Motors itatoa zawadi ya gari aina ya Passo mpya kwa mshindi mwanamke kati ya washindi kumi atakayeshinda mbio za KM 21. Kushoto kwake ni Mkuu wa Masoko Mawasiliano na Uhusiano wa Benki ya KCB, Christina Manyenye na Ofisa Masoko wa UTT Amis, Rahim Mwanga.

Mkurugenzi Uendeshaji wa Planet Fitness, Ramadhani Mdula (kushoto), akizungumza na waandishi wa habari jijini Dar es Salaam leo kuhusu udhamini wao katika mbio za Familia Marathon 2021 zinazotarajiwa kufanyika jijini Dar es Salaam jumamosi wiki hii.

Meneja wa Kampuni ya Rani Sanitary Pads, Mawi Zahor (kulia ), akizungumza na waandishi wa habari jijini Dar es Salaam leo kuhusu udhamini wao katika mbio za Familia Marathon 2021 zinazotarajiwa kufanyika jijini Dar es Salaam jumamosi wiki hii.

Waandaaji na wadhamini wa Familia Marathon 2021 wakionyesha kwa waandishi habari, Dar es Salaam leo, medani na baadhi ya zawadi watakazopewa washiriki wa mbio hizo zitakazofanyika kwa mtindo wa kutembea na kukimbia jijini humo jumamosi wiki hii. Mbio za mwaka huu zimedhaminiwa na KCB Bank, KP Motors, UTT Amis, Premier Security, Optical Centre, Rani Sanitary Pads, Planet Fitness, Knight Support na Xpress Rent.

Read More

SERENGETI LAGER YAWAKUTANISHA MASHABIKI WA MBEYA USO KWA USO NA TAIFA STARS

 

Wachezaji wa Taifa Stars wakiwa tayari kwa ajili ya kujibu maswali ya mashabiki katika tukio la kampeni ya ‘Nje ya Dimba na Taifa Stars’ lililofanyika jijini Mbeya ambapo mashabiki walikutana uso kwa uso na baadhi ya nyota wa timu ya taifa.

Mchezaji wa Taifa Stars Kibwana Shomari, akijibu moja ya swali kutoka kwa mashabiki wa soka wakati wa tukio lililowakutanisha wacheza wa timu hiyo ya taifa na washabiki wao lililofanyika jijini Mbeya chini ya kampeni ya Nje ya Dimba na Stars inayoendeshwa na bia ya Serengeti Lager.

Baadhi ya mashabiki wa Taifa Stars mkoani Mbeya wakiwa katika picha ya pamoja na wachezaji wa timu hiyo ya taifa, muda mfupi baada ya chakula cha jioni kilichoandaliwa na bia ya Serengeti Lager ikiwa ni sehemu ya kampeni ya ‘Nje ya Dimba na Taifa Stars’.

Bia ya Serengeti Lager leo imewakutanisha uso kwa uso baadhi ya wachezaji wa Taifa Stars na mashabiki katika hafla ya chakula cha jioni iliyofanyika jijini Mbeya ikiwa ni muendelezo wa kampeni ya ‘Nje ya Dimba na Stars’

Kampeni ya 'Nje ya Dimba na Stars' inalenga kuwapa nafasi mashabiki wa Taifa Stars kukutana na nyota wanaowapenda katika baa zao na pia watapata fursa ya kuwauliza maswali kuhusu maisha yao nje ya soka pamoja kupiga nao picha za ukumbusho. Kampeni hiyo ya nchi nzima itadumu kwa miezi mitatu.

Akiongea wakati wa hafla hiyo, meneja masoko wa kanda za juu kusinini wa SBL Denis Tairo alisema bai ya Serengeti lager ikiwa kama shabiki mkuu wa Taifa Stars inajivunia kuwaletea mashabiki wa Taifa Stars mkoani Mbeya nyota inaowapenda na kuwapa nafasi kuzungumza nao na hivyo kuwafahamu kwa undani zaidi.

“Shabiki mkuu na mdhamini wa timu yetu ya taifa, Taifa Stars Bia ya Serengeti Lager leo amewakutanisha mashabiki wa hapa Mbeya uso-kwa-uso na nyota ambao mara nyingi wamekuwa wakiwaona uwanjani. Hii ni fursa pekee ya mashabiki kujua maisha ya nota wao nje ya uwanjani,” alisema

Denis alisema kampeni hiyo ya nchi nzima itahusisha wachezaji wa Taifa Stars ambapo watatembelea mikoa ya Mbeya, Mwanza na Arusha na kukutana na mashabiki wao kupitia matukio kama pati za mwisho wa mwezi ‘Nje ya Dimba na Stars’. Kwenye matukio kama hayo mashabiki wataweza pia kujishindia zawadi mbali mbali na ofa za bei yao pendwa ya Serengeti lager.

"Wachezaji watakuwa kwenye baa mbali mbali na wakati wateja wetu wa bia ya Serengeti Lager wakiendelea kuburudika na bia yao pendwa iliyotengenezwa kwa kimea kwa asilimia 100 na isyoongezwa sukari, watapata nafasi ya kuwauliza maswali, kupiga picha na kupata sahihi zao,” alisema

Aliwataka mashabiki wa Stars kutembelea kurasa za mitandao ya kijamii ya bia ya Serengeti Lager Pamoja na kusikiliza redio kwa ajili ya kujua linin a wapi nyota wa taifa Stars watakuwa.

Read More

MSTAHIKI MEYA JIJI LA ARUSHA MGENI RASMI KONGAMANO LA FURSA SEKTA YA MUZIKI

 

Mstahiki Meya wa jiji la Arusha Maximillian Iranghe.

Katibu Mkuu wa TAMUFO Stella Joel.

Mlezi wa TAMUFO Dkt. Frank Richard.

Mkurugenzi wa Makumbusho ya Elimu Viumbe Arusha Dkt. Christina Ngereza.

Mhifadhi Mkuu wa Hifadhi ya Taifa ya Lake Manyara Dkt.Noelia Myonga.

Mdau wa maendeleo hapa nchini Dkt.John Lucian anatarajiwa kuwepo kwenye kongamano hilo.

Wasanii kutoka Cultural Arts Center Makumira University ni miongoni mwa wasanii watakaotoa burudani kwenye kongamano hilo.

Wasanii kutoka Cultural Arts Center Makumira University ni miongoni mwa wasanii watakaotoa burudani kwenye kongamano hilo.

Na Dotto Mwaibale, Arusha | MSTAHIKI Meya wa jiji la Arusha Maximillian Iranghe anatarajiwa kuwa mgeni rasmi kwenye Kongamano la Fursa katika Sekta ya Muziki na Maadhimisho ya miaka 60 ya Uhuru ambayo yameandaliwa Makumbusho ya Elimu Viumbe Arusha kwa kushirikiana na Umoja wa Wanamuziki Tanzania (TAMUFO).

Kongamano hilo litakuwa la siku tatu na kufanyika katika makumbusho ya Taifa ya Elimu Viumbe Arusha kuanzia Desemba 7, 2021 hadi Desemba 9, 2021.

Akizungumza na waandishi wa habari jana Katibu Mkuu wa TAMUFO Stella Joel alisema maandalizi yote yamekamilika na kuwa wanamuziki wataimba nyimbo mbalimbali za zamani na za sasa uliotumika katika kipindi cha miaka 60 ya Uhuru ambao ulichangia kuhamasisha maendeleo.

Alisema Mstahiki Meya amethibitisha kuwa mgeni rasmi kwenye kongamano hilo ambalo baadhi ya watu maarufu kutoka ndani na nje ya jiji la Arusha wamealikwa.

Mkurugenzi wa Makumbusho ya Elimu Viumbe Arusha Dkt. Christina Ngereza alisema wameandaa kongamano hilo ili kutoa elimu na fursa mbalimbali zilizopo katika urithi wa muziki wa Tanzania ambao umebadilika sana katika miaka 60 ya Uhuru wa Tanzania.

Mlezi wa TAMUFO Dkt. Frank Richard alitaja fursa zitakazo patikana siku hiyo kuwa ni kutolewa Bima ya Afya NHIF kwa gharama nafuu kwa ajili ya vipimo na matibabu kwa wanamuziki ambavyo vitatolewa kwenye Hospitali za Serikali na za binafsi.

Alisema kutakuwa na fursa lukuki kutoka Mamlaka ya Mawasiliano Tanzania (TCRA) na fursa za kibenki na nyingine nyingi.

Richard alisema Baraza la Sanaa Tanzania (BASATA) na COSOTA watakuwepo kutoa elimu na usajili wa wanamuziki.

Joel alitumia nafasi hiyo kuwakaribisha wananchi na wadau mbalimbali wa muziki kufika kwenye kongamano hilo na kuwa huduma ya chakula na vinywaji itapatika kwa gharama nafuu.

Wadau wengine walioalikwa kwenye kongamano hilo ni pamoja na Mhifadhi Mkuu wa Hifadhi ya Taifa ya Lake Manyara Dkt.Noelia Myonga na mdau wa maendeleo hapa nchini Dkt.John Lucian.

Read More