AIRTEL TANZANIA EXPANDS NETWORK COVERAGE, PROMOTES ENVIRONMENTAL RESPONSIBILITY IN GONGO LA MBOTO

Dar es Salaam, October 29, 2026 – Airtel Tanzania has combined investment in telecommunications infrastructure with environmental responsibility through a community clean-up exercise held around its newly launched communication tower in Gongo la Mboto Markaz, Dar es Salaam.

The initiative brought together Airtel Tanzania employees, local government leaders and community members, who joined hands to collect litter and clear waste from the surroundings of the newly established communication site, contributing to efforts to create a cleaner and healthier environment.

The new communication tower is expected to benefit more than 10,460 residents in Gongo la Mboto and Ukonga by improving network coverage and providing more reliable communication services to households, businesses and other users.

The investment underscores Airtel Tanzania’s continued commitment to expanding its network infrastructure and improving access to digital services, enabling residents, young people and entrepreneurs to participate more effectively in the growing digital economy.

Speaking during the launch, Bernard John, a resident and Markaz Street local government representative, commended Airtel Tanzania for constructing and launching the tower, saying improved connectivity would create new opportunities for young people and entrepreneurs in the surrounding communities.

He noted that better access to communication services would support business activities, improve access to information and enable residents to explore employment and entrepreneurship opportunities through digital platforms.

Reliable mobile connectivity is increasingly important for small businesses, allowing entrepreneurs to reach customers, market their products and services, communicate with suppliers and manage daily operations more efficiently. Improved network access also enables residents to benefit from digital communication platforms and a wider range of online services.

Beyond the investment in network infrastructure, the environmental clean-up exercise demonstrated the importance of responsible corporate engagement and collaboration with local communities.

By bringing together employees, local leaders and residents to improve the surroundings of the communication site, Airtel Tanzania reinforced the role of collective action in maintaining clean neighbourhoods and protecting the environment.

As Dar es Salaam continues to grow, demand for reliable telecommunications services is also increasing. Investments such as the new Gongo la Mboto Markaz tower are therefore important in supporting communication needs, facilitating business growth and expanding access to digital opportunities.

Through its continued network expansion initiatives, Airtel Tanzania aims to bring reliable connectivity closer to more people and businesses across the country, advancing its commitment to connecting communities through Kila Kona.

Read More

CHILDREN IN CROSSFIRE Na TET ZASAINI MoU KUIMARISHA ELIMU YA AWALI NA STADI ZA MSINGI

TAASISI ya Elimu Tanzania (TET) na Shirika lisilo la Kiserikali la Children in Crossfire zimesaini hati ya makubaliano (MoU) kwa lengo la kuimarisha elimu ya awali na elimu ya msingi, hususan katika madarasa ya kwanza na ya pili, kwa kuboresha stadi za kusoma, kuandika na kuhesabu kwa watoto.

Makubaliano hayo yanalenga kuimarisha uandaaji wa vifaa vya kufundishia na kujifunzia, kutoa mafunzo kwa walimu na kuimarisha ufuatiliaji wa utekelezaji wa programu za elimu katika shule, ili kuboresha mazingira ya ufundishaji na ujifunzaji na kuongeza uwezo wa watoto kumudu stadi za msingi.

Hafla ya utiaji saini wa makubaliano hayo imefanyika Oktoba 28, 2026, katika ofisi za TET Jijini Dar es Salaam, ikiwa ni hatua ya kurasimisha ushirikiano ambao umekuwa ukiendelea kwa miaka kadhaa kati ya taasisi hizo katika kuboresha elimu ya watoto.

Akizungumza katika hafla hiyo, Mkurugenzi Mkuu wa TET, Dkt. Aneth Komba, amesema makubaliano hayo yamekuja wakati mwafaka, wakati Serikali ya Awamu ya Sita kupitia Wizara ya Elimu, Sayansi na Teknolojia na taasisi hiyo ikiendelea kutekeleza mpango mkakati wa kuimarisha stadi za kusoma, kuandika na kuhesabu.

Amesema kupitia makubaliano hayo, taasisi hizo zitashirikiana kuimarisha uandaaji wa vifaa vya kufundishia na kujifunzia, miongozo ya walimu pamoja na mafunzo yatakayowawezesha walimu kutekeleza mtaala kwa ufanisi zaidi.

“Tunatarajia kupitia makubaliano haya tutaimarisha uandaaji wa vifaa vya kufundishia na kujifunzia, pamoja na miongozo ya walimu. Pia, tutaimarisha utoaji wa mafunzo ili kuwawezesha walimu wetu kutekeleza mtaala kwa umakini zaidi,” amesema Dkt. Komba.

Amesema ushirikiano huo pia utasaidia kuwajengea walimu uwezo wa kuandaa madarasa yanayochochea ushiriki wa watoto katika mchakato wa kujifunza, badala ya kutegemea zaidi mbinu za kawaida za ufundishaji.

Dkt. Komba, amesema kuwa Children in Crossfire ina uzoefu katika kuandaa vifaa vya kufundishia na kujifunzia vinavyosaidia kujenga mazingira ya darasa shirikishi, yanayomwezesha mtoto kushiriki kikamilifu na kufurahia kujifunza.

“Tunatarajia kushirikiana nao kujenga ujuzi huo na kuusambaza kwa walimu wetu ili waweze kuandaa madarasa yanayomfanya mtoto afurahie kujifunza, apende kukaa darasani, na zaidi ya yote, aweze kumudu stadi za kusoma, kuandika na kuhesabu,” amesema.

Kwa upande wake, Mkurugenzi Mkazi wa Children in Crossfire Tanzania, Craig Ferla, amesema kusainiwa kwa makubaliano hayo ni hatua muhimu katika kuimarisha ushirikiano uliokuwepo kwa miaka kadhaa kati ya shirika hilo na TET katika kutekeleza shughuli za kuboresha elimu.

Amesema shirika hilo limekuwa likishirikiana na TET katika uandaaji wa vifaa vya kufundishia na kujifunzia, mafunzo kwa walimu na ufuatiliaji wa utekelezaji wa programu za elimu ya awali shuleni.

“Leo ni siku muhimu kwa shirika letu kwa sababu tumeingia katika makubaliano rasmi na Taasisi ya Elimu Tanzania. Tumekuwa tukishirikiana kwa miaka kadhaa katika kuandaa vifaa vya kufundishia, kutoa mafunzo kwa walimu na kufuatilia utekelezaji wa programu za elimu ya awali,” amesema Ferla.

Ameeleza kuwa kufanikiwa kwa ushirikiano huo kutawezesha shirika hilo kuendelea kutekeleza miradi yake kupitia mifumo na rasilimali zilizopo katika sekta ya elimu nchini, kwa kuzingatia mazingira na muktadha wa elimu Tanzania.

Ferla amesema elimu ya awali na madarasa ya kwanza na ya pili yana umuhimu mkubwa katika safari ya elimu ya mtoto, kwa kuwa ni hatua ambazo hujenga msingi wa utayari wa shule na uwezo wa kumudu stadi muhimu za kujifunza.

Amesisitiza kuwa uwekezaji katika hatua hizo za mwanzo za elimu utasaidia watoto wengi zaidi kupata msingi imara wa kusoma, kuandika na kuhesabu, jambo litakalowawezesha kufanya vizuri zaidi wanapoendelea na elimu ya msingi na hatua nyingine za masomo.

Amesema kuimarishwa kwa msingi huo kutachangia pia kujenga rasilimali watu yenye maarifa na ujuzi unaohitajika katika kukuza uchumi wa Tanzania na kufikia malengo ya maendeleo ya taifa.

Kufikiwa kwa makubaliano hayo kunatarajiwa kuimarisha uratibu kati ya TET na Children in Crossfire, kupanua uwezo wa walimu katika kutumia mbinu bora za ufundishaji na kujenga mazingira yanayowawezesha watoto kupata stadi za msingi katika hatua za mwanzo za elimu yelimu yao.

Read More

DKT. YONAZI AWAKUMBUSHA VIJANA KULINDA AFYA ZAO KATIKA MAPAMBANO DHIDI YA UKIMWI

Na. Mwandishi Wetu - Kazuramimba Kigoma

Katibu Mkuu, Ofisi ya Waziri Mkuu anayeshughulikia masuala ya Sera, Bunge, Uratibu na Wenye Ulemavu, Dkt. Jim Yonazi, Amewaasa vijana kulinda afya zao na kuepuka tabia hatarishi ili kupunguza maambukizi mapya ya VVU, kwa kuzingatia kuwa ni kundi linaloongoza kuwa hatarini zaidi nchini Tanzania.

Dkt. Yonazi ameyasema hayo mwishoni mwa wiki wakati wa ziara yake ya kikazi ya kukagua utekelezaji wa Afua za UKIMWI Wilaya ya Uvinza Mkoa wa Kigoma alipoambatana na Mkurugenzi Mtendaji wa Tume ya Kudhibiti UKIMWI Tanzania, Dkt. Adam Mrisho, timu ya wataalam kutoka Ofisi yake, Wizara ya Afya, TAMISEMI na Ofisi ya Mkoa huo.

Aidha amepata wasaa kutembelea Kituo cha Maarifa Kata ya Kazuramimba mkoani humo kinachotoa huduma za masuala ya VVU na UKIMWI, na kukutana na vijana wanaotekeleza afua za UKIMWI kupitia vikundi vya uzalishaji mali kwa lengo la kujiinua kiuchumi na kujiletea maendeleo yao.

Akiwa katika kituo hicho, Dkt. Yonazi amepokea taarifa kutoka kwa mwenyekiti wa kikundi, Billy Sekibaha, kuhusu shughuli zinazofanywa na kikundi hicho ikiwemo za biashara ndogondogo za kuuza dagaa pamoja na shunguli za ushonaji wa nguo kwa lengo la kujikwamua kiuchumi na kuondokana na dhana ya utegemezi.

Amesisitiza kuwa, kundi la vijana linategemewa na Taifa katika shughuli za uzalishaji mali na kujiletea maendeleo yao na Taifa kwa ujumla hivyo ni vyema vijana wakaendelea kujilinda na kulinda wengine kwa kutambua hali zao na endapo wakagundulika kuwa na maambukizi ya VVU inashauriwa kuanza kutumia dawa mapema.

"Mnafanya kazi nzuri sana, endeleeni kuchangamkia uwepo wa mitandao ya kijamii kutangaza bidhaa zenu ili kuwafikia wateja wengi zaidi na kujitangaza kitaifa na kimataifa," alisisitiza Dkt. Yonazi

Kwa upande wake Mtendaji wa TACAIDS, Dkt. Adam Mrisho amewapongeza vijana hao kwa kazi nzuri wanazofanya na kusisitiza kuwa Tume itaendelea kuwawezesha vijana kiuchumi na kuwajengea uwezo ili kuendeleza mapambano dhidi ya maambukizi mapya ya VVU na kufikia lengo la kutokomeza UKIMWI ifikapo mwaka 2030.

Read More

PROF. KABUDI AWATAKA WANANCHI KUZINGATIA TAHADHARI ZA MAAFA

Waziri wa Nchi, Ofisi ya Waziri Mkuu–Sera, Bunge, Uratibu na Wenye Ulemavu, Prof. Palamagamba Kabudi, amewataka wananchi kuzingatia tahadhari na maelekezo yanayotolewa na wataalamu na mamlaka husika ili kupunguza madhara yanayotokana na majanga na maafa.

Prof. Kabudi ametoa wito huo tarehe 19 Agosti, 2026 wakati akizungumza katika maadhimisho ya Siku ya Watoa Huduma za Misaada ya Kibinadamu Duniani yaliyofanyika jijini Dar es Salaam.

“Ushiriki wa wananchi ni muhimu katika kuimarisha ustahimilivu wa jamii dhidi ya majanga, huku akiwataka kuendelea kufuata taarifa na maelekezo rasmi kutoka kwa wataalamu na mamlaka zinazohusika na masuala ya maafa.”

Katika hatua nyingine, alisema Serikali itaendelea kuimarisha mifumo ya tahadhari za mapema na kujenga ustahimilivu wa jamii ili kuongeza uwezo wa wananchi kukabiliana na majanga na kupunguza madhara yanayotokana na matukio hayo.

Alisema uwezo wa nchi katika kukabiliana na majanga kwa ufanisi unategemea uwepo wa mifumo madhubuti, uratibu na ushirikiano wa karibu na wenye tija kati ya Serikali na wadau wa huduma za kibinadamu.

Prof. Kabudi pia alimpongeza Rais Dkt. Samia Suluhu Hassan kwa mchango wake katika kusimamia masuala ya kibinadamu na ustawi wa wananchi.

“Kupitia uongozi wa Rais Dkt. Samia, Serikali imeendelea kuhakikisha wananchi wanaokumbwa na changamoto za majanga wanapata msaada na faraja wakati wa dharura.”

Prof. Kabudi aliwataka watoa huduma za kibinadamu kuwekeza zaidi katika kuwawezesha wananchi kwa elimu na taarifa sahihi kuhusu vihatarishi vinavyowazunguka, pamoja na hatua za kuchukua kabla, wakati na baada ya janga.

Kwa upande wake, Naibu Katibu Mkuu wa Ofisi hiyo, Dkt. James Kilabuko, amesema maadhimisho ya siku hiyo yanatoa fursa ya kutambua na kuthamini mchango wa watoa huduma za kibinadamu ambao hujitolea kwa moyo wa huruma, ujasiri na mshikamano katika kuokoa maisha na kupunguza madhara.

Alisema ni muhimu kuendelea kuimarisha ushirikiano na mshikamano miongoni mwa Serikali, wadau wa huduma za kibinadamu na jamii katika kuhakikisha kuwa msaada unapatikana kwa wakati na unawafikia wale wanaouhitaji.

“Ni muhimu kuhakikisha kuwa katika kila hatua ya utoaji wa huduma za kibinadamu, maisha, usalama na utu wa mwanadamu vinaendelea kuwa kiini cha hatua tunazochukua.”

Read More

WAZIRI MASAUNI AONGOZA SAVE SOIL WALKATHON, ATOA WITO WA KULINDA UDONGO NA MAZINGIRA

Waziri wa Nchi, Ofisi ya Makamu wa Rais (Muungano na Mazingira), Mhe. Mhandisi Hamad Yussuf Masauni, ameongoza mamia ya wananchi na wadau mbalimbali wa mazingira katika matembezi ya Save Soil Walkathon, huku akitoa wito kwa Watanzania kushiriki kikamilifu katika juhudi za kulinda udongo na mazingira kwa ajili ya maendeleo endelevu ya taifa.

Mhe. Masauni, ambaye alikuwa mgeni rasmi wa tukio hilo, alishiriki matembezi hayo yaliyoandaliwa na Lions Club of Dar es Salaam Mazingira chini ya kaulimbiu ya “Save Soil, Save Our Future” (Linda Udongo, Linda Mustakabali Wetu).

Tukio hilo liliwakutanisha wadau wa mazingira, taasisi mbalimbali, sekta binafsi na wananchi katika kampeni ya kuongeza uelewa kuhusu umuhimu wa kuhifadhi afya ya udongo na matumizi endelevu ya rasilimali za asili.

Akizungumza baada ya matembezi hayo, Mhe. Masauni alisema afya ya udongo ni msingi wa usalama wa chakula, uhifadhi wa mazingira na ustawi wa uchumi wa taifa, hivyo kuna umuhimu wa kila Mtanzania kushiriki katika juhudi za kuutunza.

"Udongo ni rasilimali muhimu inayobeba maisha yetu ya kila siku. Bila udongo wenye afya hatuwezi kuwa na usalama wa chakula, mazingira bora wala maendeleo endelevu. Ni wajibu wa kila Mtanzania kushiriki katika juhudi za kulinda mazingira na kutumia ardhi kwa njia zinazohifadhi uhai wake kwa manufaa ya kizazi cha sasa na kijacho," alisema Mhe. Masauni.

Katika kuonesha kwa vitendo dhamira ya kulinda mazingira, Mhe. Masauni pia alipanda mti ikiwa ni ishara ya kujitolea katika uhifadhi wa udongo na mazingira pamoja na kuhamasisha wananchi kushiriki katika upandaji miti kama sehemu ya juhudi za kukabiliana na athari za mabadiliko ya tabianchi na uharibifu wa ardhi.

Kwa upande wake, Rais wa Lions Club of Dar es Salaam Mazingira, Lion Ramadevi, alisema Save Soil Walkathon ni sehemu ya kampeni pana inayolenga kuhamasisha jamii kutambua mchango mkubwa wa udongo katika maendeleo ya kiuchumi, kijamii na kimazi-ngira.

"Save Soil Walkathon si matembezi pekee, bali ni harakati ya kuhamasisha mabadiliko ya tabia na kuwajengea wananchi uelewa wa umuhimu wa kulinda udongo. Tunataka kuona jamii, taasisi na sekta binafsi zikichukua hatua za pamoja katika kuhifadhi mazingira kwa mustakabali wa taifa letu," alisema Lion Ramadevi.

Naye Esther Msuya, Meneja wa Afya, Usalama, Ulinzi na Mazingira (HSSE) wa GSG Energies, alisema kampuni hiyo itaendelea kuunga mkono mipango na kampeni zinazolenga uhifadhi wa mazingira na maendeleo endelevu nchini.

"Kulinda mazingira ni jukumu la kila mmoja wetu. GSG Energies tunaamini kuwa maendeleo ya kweli lazima yaende sambamba na uhifadhi wa mazingira."

"Ushiriki wetu katika Save Soil Walkathon unaonesha dhamira yetu ya kusaidia juhudi za kuongeza uelewa wa jamii na kulinda rasilimali za asili kwa manufaa ya vizazi vijavyo."

"Tutaendelea kushirikiana na Serikali, taasisi na wadau mbalimbali katika kutekeleza miradi na kampeni zinazochochea utunzaji wa mazingira, matumizi bora ya rasilimali za asili na maendeleo endelevu nchini," alisema Esther Msuya.

Save Soil Walkathon imeonesha nguvu ya ushirikiano kati ya Serikali, asasi za kiraia, sekta binafsi na wananchi katika kuendeleza agenda ya utunzaji wa mazingira. Washiriki walihamasishwa kuchukua hatua za vitendo ikiwemo upandaji miti, matumizi bora ya ardhi, uhifadhi wa vyanzo vya maji na ulinzi wa rasilimali za asili kwa ajili ya mustakabali wa taifa.

Wadhamini wa Save Soil Walkathon:

• GSG Energies
• META JCB
• SRL
• UHAI Pure Drinking Water
• ISUZU Tanzania

Read More

PROF. NAGU ARIDHISHWA NA HUDUMA ZINAZOTOLEWA BANDA JUMUISHI LA OFISI YA WAZIRI MKUU SABASABA

   

Na. Mwandishi Wetu - Dar es Salaam | Naibu Katibu Mkuu anayeshughulikia Afya katika Ofisi ya Waziri Mkuu – TAMISEMI, Prof. Tumaini Nagu, ametembelea Banda Jumuishi la Ofisi ya Waziri Mkuu na Taasisi zake katika Maonesho ya 50 ya Kimataifa ya Biashara (Sabasaba 2026) yanayoendelea katika Viwanja vya Mwalimu Julius Nyerere, jijini Dar es Salaam, na kupongeza ubora wa huduma zinazotolewa kwa wananchi.

Akiwa katika ziara hiyo, Prof. Nagu amepata fursa ya kutembelea sehemu mbalimbali za banda hilo na kupokea maelezo kuhusu huduma na mifumo mbalimbali inayowezesha wananchi kupata taarifa na huduma zinazotolewa na Ofisi ya Waziri Mkuu pamoja na taasisi zake.

Amesema banda hilo limekuwa jukwaa muhimu la kuwaelimisha wananchi kuhusu utekelezaji wa programu na miradi ya maendeleo inayolenga kuboresha utoaji wa huduma za kijamii, hususan katika sekta ya afya, elimu, utawala bora na maendeleo ya serikali za mitaa.

Prof. Nagu amewapongeza watumishi wanaohudumu katika banda hilo kwa kujituma, kutoa elimu kwa ufasaha na kuhakikisha kila mwananchi anayefika anapata huduma na taarifa sahihi zinazomwezesha kufahamu shughuli zinazotekelezwa na Serikali kupitia Ofisi ya Waziri Mkuu.

Aidha, amewataka kuendelea kutumia maonesho hayo kama fursa ya kusikiliza maoni ya wananchi, kupokea changamoto zao na kutoa ufafanuzi wa kina kuhusu huduma zinazotolewa, ili kuongeza uelewa na kuimarisha uhusiano kati ya Serikali na wananchi.

"Banda Jumuishi la Ofisi ya Waziri Mkuu limeendelea kuvutia maelfu ya wananchi wanaotembelea Maonesho ya Sabasaba, ambapo wamekuwa wakipata elimu na huduma mbalimbali zinazotolewa na Ofisi hii pamoja na taasisi zake kwa lengo la kuboresha ustawi wa wananchi na kuharakisha maendeleo ya Taifa, hivyo wananchi endeleeni kuitumia fursa ya uwepo wa ofisi hii katika maonesho haya," alisema Dkt. Nagu

Aidha,ametumia nafasi hiyo kuipongeza Mamlaka ya Maendeleo ya Biashara Tanzania (TANTRADE) pamoja na Taasisi nyingine zilizowezesha mafanikio ya maonesho hayo huku akiiasa jamii kuendelea kutembelea banda hilo na kupata elimu.

Maonesho ya 50 ya Biashara ya Kimataifa ya Dar es Salaam yanaendelea katika viwanja vya Mwalimu Julius Nyerere chini ya kaulimbiu isemayo, "Maonesho ya Biashara ya Kimataifa ya Sabasaba ni Fahari ya Tanzania," yakilenga kukuza biashara, uwekezaji na ubunifu nchini.

Miongoni mwa Taasisi za Ofisi ya Waziri Mkuu zilizoshiriki ni pamoja na PSSSF, WCF, NSSF, OSHA, NEEC, TNBC, CMA, TACAIDS, DCEA,Ofisi ya Msajili wa Vyama vya Siasa, DART, TARURA, Chuo cha Serikali za Mitaa(LGTI) pamoja na Shirika la Masoko Kariakoo.

Read More