BENKI YA MWANGA HAKIKA YAJA NA “PINK MWANAMKE ACCOUNT” KUWAWEZESHA WANAWAKE KUTIMIZA MALENGO YA KIFEDHA

 -Wateja kupata uhakika wa kuweka akiba na kufurahia faida kwenye amana zao

Benki ya Mwanga Hakika Limited imekuja na huduma ya Pinki Mwanamke Account ambayo itawawezesha wateja wanawake kuweka akiba huku wakipata faida mbalimbali ikiwamo kupata faida ya kwenye amana zao.

Akaunti hii ni rafiki kwa wanawake wa aina zote na ni mahususi kwa wanawake wenye ndoto za muda mfupi na mrefu ambapo itawawezesha kuyafikia malengo hayo bila kutumia nguvu kubwa.

Akizungumza wakati wa uzinduzi wa huduma hiyo, Meneja wa Biashara wa Mwanga Hakika Bank, Judith Halinga alisema benki hiyo imekuwa mstari wa mbele katika kuhakikisha inasogeza huduma za kibenki karibu na wateja ili kuboresha Maisha ya watanzania.

“Benki yetu toka ilipopata hadhi ya kuwa benki rasmi ya biashara, tumekuwa mstari wa mbele kuendeleza ajenda ya ujumuishwaji wa watu kiuchumi kwa kuja na huduma za kibunifu zinazokidhi mahitaji ya kifedha,” alisema na kuongeza;

“Hii inathibitika leo ambapo tunazindua Pinki Mwanamke Account ambayo itaboresha huduma za kibenki kwenye soko.Kwa kupitia akaunti hii, wanawake nchini bila kujali kipato chao wanapata fursa ya kuhifadhi fedha zao kwa uhakika zaidi huku amana zao zikiwasaidia kupata faida mbali na kutunza fedha,” alisema.

Huduma hii imekuja wakati ambapo watanzania wengi wamekuwa na muamko mkubwa wa kufuatilia matumizi yao ya fedha. Kwa mujibu wa ripoti ya utafiti wa Fin Scope ya mwaka 2023 inaonesha asilimia 77 ya watanzania wanafuatilia matumizi ya pesa zao.

Hii ina maana kwamba uelewa juu ya umuhimu wa kuwa na taarifa za mapato na matumizi umeongezeka hivyo ni muhimu kwa taasisi kuja na suluhu za kifedha zitakazowasaidia kufanikisha malengo yao.

Huduma hii inakuja na manufaa mbalimbali kama kufungua akaunti bure, hakuna makato ya mwezi na riba itakokotolewa na kulipwa kila mwezi.

Zaidi ya hilo, akaunti hiyo itawawezesha wateja kupata mikopo bila riba ambayo itawasaidia kufanikisha malengo ya muda mfupi bila kuharibu au kugusa amana zao (savings).

“Kama benki inayokua kwa kasi, tumeenda mbali zaidi na kuja na suluhu ambayo itakidhi mahitaji ya watanzania wengi zaidi.Tunaamini kwamba kupitia akaunti hii watanzania wengi zaidi bila kujali kipato chao watakuwa na uwezo wa kupatan huduma za kibenki na kufungua milango ya mafanikio,” alisema Mkurugenzi Mtendaji Jagjit Singh.

Kwa taarifa zaidi tembelea tovuti yetu ya https://mhbbank.co.tz/

Ofisa Mtendaji Mkuu Kampuni ya JSG Travellers, Venancia Msita (kushoto), akizungumza Dar es Salaam wakati wa uzinduzi rasmi wa akaunti ya Mwanamke Pinki na Kadi ya Pinki ya Mwanga Hakika Benki. Wapili Kushoto ni Meneja Mwandamizi Biasahara Benki ya Mwanga Hakika, Judith Halinga, Mwanasaikolojia, Sadaka Saidi na Mteja wa Benki hiyo, Graciana Mgeni.

Meneja Mwandamizi Biasahara Benki ya Mwanga Hakika, Judith Halinga (wapili kushoto),akizungumza Dar es Salaam wakati wa uzinduzi rasmi wa akaunti ya Mwanamke Pinki na Kadi ya Pinki ya Mwanga Hakika Benki. kutoka kushoto ni Ofisa Mtendaji Mkuu Kampuni ya JSG Travellers, Venancia Msita, Mwanasaikolojia, Sadaka Saidi, na Mteja wa Benki hiyo, Graciana Mgeni.

Read More

BARAZA LA FCT LARIDHIA UUNGANISHWAJI WA KAMPUNI YA SARUJI YA TANGA CEMENT NA TWIGA

 Mwenyekiti wa bodi wa kampuni ya Tanga cement PLC, Patrick Rutabanzibwa (katikati), akizungumza wakati wa mkutano mkuu wa mwaka na mkutano maalum wa wanahisa wa kampuni hiyo uliofanyika jijini Dar es salaam jana.Wengine ni Mkuu wa Divisheni ya Fedha wa Tanga Cement PLC, Pieter De Jager (kushoto) Mkurugenzi Mtendaji wa Tanga Cement PLC, Reinhardt Swart (wa pili kulia) na Raymond Mbilinyi, ye ni mmoja wa wakurugenzi wa bodi wa Tanga Cement pamoja na Katibu wa kampuni ya Tanga Cement , Quresh Ganijee

Mkurugenzi Mtendaji  wa  Tanga Cement PLC, Reinhardt Swart (wapili kushoto), akizungumza wakati wa mkutano mkuu wa mwaka na mkutano maalum wa wanahisa wa kampuni hiyo uliofanyika jijini Dar es salaam Wengine ni Mkuu wa Divisheni ya Fedha wa Tanga Cement PLC, Pieter De Jager (kushoto) Mwenyekiti wa bodi ya Tanga cement, Patrick Rutabanzibwa, (wa tatu kulia) na Raymond Mbilinyi, ambaye ni mmoja wa wakurugenzi wa bodi wa Tanga Cement na Katibu wa kampuni ya Tanga Cement Quresh Ganijee

Baraza la ushindani nchini FCT limeridhia mchakato wa uunganishaji kampunu ya saruji ya tanga na ile ya twiga huku wanahisa wa kampuni ya saruji ya tanga nao wakipitsha maamuzi ya kuruhusu uuzaji hisa asilimia 73 za kampuni hiyo kwenda kwa mwekezaji heidberg ambaye ndiye mmiliki kiwanda cha twiga cement.

Maamuzi hayo yamepitishwa jijini Dare esl saam wakati wa mkutano mkuu wa mwaka na mkutano maalum wa wanahisa  hisa wa kampuni ya saruji ya tanga Cement ambapo akizungumza Mwenyekiti wa bodi wa kampuni hiyo patrick rutabanzibwa amesema maamuzi ya wana hisa hao yametokana na hali ngumu inayo ipitia kampuni ya tanga cement ambayo imeshindwa kutoa gawio kutokana na deni ambalo lipo kwenye kampuni hiyo.

Kampuni hiyo pia ilielemewa na gharama kubwa za uzalishaji hivyo kujikuta wakihitaji zaidi uwekezaji kutoka kampuni ya heidelberg inayo miliki kampuni ya scancem ambaye ndie mmiliki wa kiwanda cha twiga cement ili kuingiza nguvu nakuhakikishia wateja kuwa na uhakika wakupata bidhaa hiyo bila kuwa na mashaka.

Kwa upande wake mmiliki wa kampuni ya african mauritus ambaye anamiliki hisa zaidi ya asilimia 73 ya kiwanda cha tanga cement reinhardt swart ambaye ndie mkurugenzi mtendaji wa kiwanda cha tanga cement amesema mchakato wa upatikanaji wa mwekezaji huyo utakamilika haraka iwezekanavyo ili kuongeza nguvu ya uzalishaji wa saruji ambapo pia ameiomba serikali kuimarisha upatikanaji wa nishati kwa uhai wa viwanda nchini

Hata  baadhi ya wana hisa wa kiwanda cha tanga cement ambao wameeleza kusikitishwa na kukosa gawio kwa muda mrefu huku wakibariki kuuzwa kwa hisa hizo na kuunganishwa kwa kiwanda cha tanga cement na twiga cement ili kuwa kiwanda kimoja kitakacho kuwa imara.

WARAKA WA MWEYEKITI
Utangulizi
Wanahisa,
Tuko hapa kuwasilisha taarifa ya biashara iliyokaguliwa ya Tanga Cement Public Limited Company (“Tanga Cement” au “Kampuni”) na kampuni zake tanzu (kwa pamoja “Kundi”) kwa mwaka unaoshia tarehe 31 Disemba 2021.

 Licha ya athari za janga la kimataifa la UVIKO-19, kundi limefanya vizuri kwenye viashiria vyake muhimu vya utendaji wa kifedha kwa mwaka ulioishia tarehe 31 Disemba 2021 kama ilivyofafanuliwa kwenye eneo la mapitio ya Kifedha na Kiutendaji hapo chini.

Tunathibitisha kujitolea kwetu kwa wadau wote kupitia simenti yetu yenye ubora wa hali ya juu na klinka na pia usambazaji wetu ambao ni mchango wetu katika ukuaji endelevu na maendeleo ya Tanzania, kama ilivyo kauli mbiu yetu, “STRENGTH WITHIN”. 

Kampuni imeweka viwango vya juu sana vya afya na usalama katika maeneo yake yote ya utendaji na inaendelea kutekeleza sera za usalama katika sehemu ya kazi ili kulinda wafanyakazi wake na wakandarasi.

Mapitio ya Uchumi.
Ukuaji wa kampuni (Kundi) unaendelea kujikita kwenye ukuaji wa mahitaji ya simenti kwaajili ya soko la ujenzi Tanzania.

Wastani wa kiwango cha mfumuko wa bei kimeongezeka na kufikia asilima nne nukta mbili (4.2%) mwaka 2021 kutoka asilimia tatu nukta tatu (3.3%) mwaka 2020. Makadirio ya ukuaji wa pato ghafi la taifa la asilimia nne nukta tatu (4.3%) kwa mwaka 2021 ikilinganishwa na asilimia nne nukta nane (4.8%) iliyorekodiwa mwaka 2020 (kama ilivyochapishwa na shirika la takwimu la taifa). 

Japo ongezeko la pato ghafi la taifa linaridhisha, uwekezaji mkubwa kwenye miundombinu na uimarishaji wa msingi wa wateja, vinabaki kuwa vichocheo vya msingi vya ufanisi wa biashara. Mpango wa Serikali wa kati wa sera za kifedha wenye lengo la asilimia tano (5%) umesaidia kuongeza uhitaji wa bidhaa zetu. 

Kampuni (Kundi) inabaki kuwa na matumaini chanya ya maendeleo chini ya mipango ya maendeleo ya miundo mbinu iliyopo kwenye dira ya Mpango wa Maendeleo wa Serikali wa mwaka 2025 na inategemewa
miradi itashika kasi mwaka 2022. 

Kampuni inaimani na hatua zilizochukuliwa na Serikali katika kudhibiti maambukizi ya UVIKO-19 na imedhamiria kufanya kazi pamoja na Serikali kwenye kukuza uchumi. Kampuni inao uwezo wa kufikia kiwango maalum cha mahitaji ya simenti nchini na kuendelea kujizatiti na uzalishai wa bidhaa za simenti zenye ubora wa hali ya juu. 

Mapitio ya Fedha na Utendaji Mapato ya kampuni kutokana na mauzo yaliongezeka kwa kiasi cha asilimia tisa (9%) na kuwa TZS 231bn kutoka TZS 213bn iliyopatikana mwaka 2020.

Sambamba na ongezeko la mapato, faida ghafi iliongezeka kwa asilima kumi na nne (14%) na kufikia TZS61.7bn kutoka TZS 54.2bn iliyopatikana mwaka 2020.

 Licha ya miradi mikubwa ya matengenezo ya mitambo yaliyofanyika

mwaka 2021 na kukatika kwa umeme mara kwa mara
kulikopelekea ongezeko la gharama za uzalishaji, pato la jumla
liliongezeka kufikia asilimia ishirini na saba (27%)
ikilinganishwa na asilimia ishirini na tano (25%) ya mwaka
2020.

Kampuni (Kundi) iliingia gharama za mara moja za
marekebisho yaliyosababisha kupungua kwa pato linalotokana
na uendeshaji kwa asilimia kumi na tatu (13%) na kufikia TZS
15bn kwa mwaka 2021 kutoka TZS 17bn kwa mwaka 2020.
Marekebisho hayo ni pamoja na kurekebisha Tanuri (Kiln) na
gharama zilizoambatana na marekebisho hayo ili kurudisha
uzalishaji katika hali ya kawaida.

 Gharama za kuachana na
operesheni za machimbo/migodi na kuanza kukodi huduma
hizo kutoka kampuni nyingine pia zimechangia kwenye
gharama hizo. 

Mapato kabla ya Riba, Kodi, Gawio na
Uchakavu (EBITDA) yalipungua kwa asilimia mbili (2%) kufikia
TZS 40.8bn kutoka TZS 41bn iliyopatikana mwaka 2020
iliyosababishwa haswa na gharama za kusitisha mikataba ya
wafanyakazi na gharama za matengenezo ya mitambo.

Kampuni (Kundi) ilirekodi faida kabla ya kodi ya TZS 3.8bn
mwaka 2021 ambayo imeongezeka kutoka hasara iliyopatikana
kabla ya kodi ya TZS 0.63bn iliyopatikana mwaka 2020.

Kuongezeka kwa faida kabla ya kodi ilitokana na kuongezeka
kwa faida ghafi na kupungua kwa hasara zitokanazo na
ubadilishaji wa fedha za kigeni na hasara ya thamani ya fedha
ambazo zinahusiana na deni la mkopo wa ujenzi wa kiln mpya
kuthaminishwa kwa Dola ya Kimarekani (USD) na riba
itokanayo na kukodisha vifaa na mali mbalimbali.

 Kampuni iliingia kwenye mkataba mpya uitwao ‘Standstill agreement’
kwenye mkopo wa PIC ambao ulizuia hasara zitokanazo na
ubadilishaji wa fedha za kigeni.

Matokeo hayo mazuriyamechagizwa na kuboreka kwa usimamizi wa hazina, mikakatiya ununuzi wa fedha za kigeni na viwango vya udhibiti wa mitaji
ya kazi. Kampuni (Kundi) ilipata faida baada ya kodi ya TZS
3.5bn mwaka 2021 ambayo imeboreka kutoka hasara baada
ya kodi ya TZS 2.1bn iliyopatikana mwaka 2020.

Fedha taslimu zilizotokana na shughuli za biashara zilipungua kwa asilimia
hamsini na nane (58%) kutoka TZS 48bn zilizorekodiwa mwaka
2020 na kufikia TZS 20bn mwaka 2021.

 Mtiririko wa fedha zilizotokana na shughuli za uendeshaji pia ulipungua kwa
asilimia hamsini na saba (57%) na kufikia TZS 18bn kutoka
TZS 43bn iliyo rekodiwa mwaka uliopita. 

Mapungufu yamtiririko wa fedha yamechangiwa na kushuka kwa faida ya
uendeshaji kwa asilimia kumi na tatu (13%) kutokana na
gharama za mara moja kama zilivyoainishwa hapo juu.

Kuongezeka kwa wadaiwa kwa TZS 5bn, kuongezeka kwa
malighafi kwa TZS 11bn, kupungua kwa madeni ya kibiashara
na madeni ya kimkataba kwa TZS 4bn na TZS 1bn kwa mwaka
2020 na 2021 mtawalia.

Kampuni inaendelea kujitoakuhakiksha mauzo, ufikishaji bidhaa sokoni na mipango yake ya kupunguza gharama za uendeshaji vinaendelea kuwa
suluhisho la kuongeza thamani ya wadau wake.

 Kampuni inabaki kuwa na matarajio chanya kwa mwaka 2022 licha ya
ushindani mkali na athari za UVIKO-19.

Mipango ya Serikali yakukuza uchumi kupitia maendeleo ya miundombinu na ukuzajiwa viwanda vya ndani vinatarajiwa kuchochea uzalishaji wa
ndani wa simenti na matumizi huku ikiendelea kuzuia utitiri wa
uingizaji wa simenti kutoka nje.
Gawio.

Kampuni haikutangaza gawio la muda mfupi au la mwisho wa
mwaka kwa wanahisa kwa mwaka 2021 na 2020. Maamuzi
hayo yamefanyika kwa kusudi la kua makini na rasilimali fedha
zilizopo ili kampuni iweze kujikimu na mahitaji mbalimbali katika
kipindi hiki cha kujikwamua kiuchumi kutoka kwenye athari
zilizosababishwa na UVIKO-19.

 Bodi imeamua kuendelea kutenga fedha zilizopo kwa ajili ya uendeshaji wa kampuni Bodi pia itafanya tathmini ya mwenendo wa kifedha katika
kipindi chote cha mwaka wa fedha wa 2022 kabla ya kufanya
uamuzi wa kutangaza gawio.

Pendekezo la kununuliwa kwa
kampuni na Scancem International DA Wanahisa
wanakumbushwa kuhusu tangazo la tarehe 27 Oktoba 2021 la
pendekezo la Scancem International DA kununua asilimia
68.33% ya hisa za Tanga Cement PLC kutoka Afrisam
Mauritius Investment Holdings Limited.

Taratibu zote zinazohusisha mamlaka mbalimbali zimekwisha fanywa. Pande
zote mbili zinasubiri maamuzi ya mamlaka hizo. Wanahisa
wataendelea kupewa taarifa za mchakato huu kadiri muda
unavyoenda.

Hitimisho
Katika kufanyia kazi malengo yake ya muda mfupi na mrefu,
kampuni inaendelea kuwashukuru wafanyakazi wake kwa
mapenzi yao na kujitoa walikokuonesha katika kipindi hiki licha
ya kuwepo kwa changamoto, na pia kwa wateja wake kutokana
na uaminifu wao kwa chapa yetu ya Simba simenti. Pamoja na
Tanzania kubaki kuwa mshirika mkuu katika Jumuia ya Afrika
Mashariki kwenye soko la ujenzi, uzalishaji wa simenti
unategemewa kuongezeka na Kampuni imejiweka tayari
kuchukua fursa hizo za ukuaji wa soko kwenye kanda.
Kwaniaba ya Bodi ya Wakurugenzi
Patrick Rutabanzibwa

Read More

Serikali yaupongeza Mfuko wa PEPFAR ukitimiza miaka 20 ya kurudisha matumaini ya wenye VVU nchini

Mkuu wa Mkoa wa Iringa, Bi. Halima Dendego, akipokea cheti cha shukurani kwa kutambua mchango wake katika mapambano dhidi ya ugonjwa wa Ukimwi na unyanyapaa kwa wenye VVU katika Mkoa wa Iringa, kutoka kwa Mkurugenzi Mkazi wa Shirika la Marekani la maendeleo ya Kimataifa (USAID), Bwana Craig Hart, wakati wa ziara ya waandishi wa habari mkoani humo leo ikiwa ni sehemu ya matukio kuadhimisha miaka 20 ya Mfuko wa Dharura wa Rais wa Marekani wa kukabiliana na Ukimwi (PEPFAR). Ziara hiyo, ililenga kuangalia mafanikio ya miradi inayohudumia wenye VVU na kusimamiwa na mashirika ya Deloitte, Nacopha na FHI360.

Mkurugenzi Mkazi wa Shirika la Marekani la maendeleo ya Kimataifa (USAID), Bwana Craig Hart, akikabidhi cheti cha shukurani kwa Mkurugenzi wa mradi wa USAID Afya Yangu Kanda ya Kusini Dk. Marina Njelekela, kwa kutambua mchango wa shirika hilo, likiwa ni moja ya Mashirika yanayofadhiliwa na Shirika la USAID katika kutoa huduma bora kwa wenye VVU. Hii ni sehemu ya matukio ya kuadhimisha miaka 20 ya mfuko wa PEPFAR Mkoani Iringa leo. Wa kwanza kushoto ni muwakilishi wa PEPFAR nchini, Bi. Jessica Greene na Mkurugenzi Msaidizi wa USAID kitengo cha afya nchini, Bi. Anna Hofmann.

Mkurugenzi Mkazi wa Shirika la Marekani la Maendeleo ya Kimataifa (USAID), Bwana Craig Hart, akikabidhi cheti cha shukurani kwa Mkurugenzi wa Mradi wa USAID Kizazi Hodari Kanda ya Kusini, Bi. Dorothy Matoyo (kulia) kwa kutambua mchango wa shirika hilo, likiwa ni moja ya Mashirika yanayofadhiliwa na Shirika la USAID katika kutoa huduma bora kwa wenye VVU. Hii ni sehemu ya matukio ya kuadhimisha miaka 20 ya mfuko wa PEPFAR Mkoani Iringa leo. Wa kwanza kushoto ni mwakilishi wa PEPFAR nchini, Bi. Jessica Greene na Mkurugenzi Msaidizi USAID kitengo cha afya nchini, Bi. Anna Hofmann.

Mkurugenzi Mkazi wa Shirika la Marekani la maendeleo ya Kimataifa USAID Craig Hart, akikabidhi cheti cha shukurani kwa Mkurugenzi wa mradi wa Rise project, Maende Makokha, kwa kutambua mchango wa shirika hilo, likiwa ni moja ya Mashirika yanayofadhiliwa na Shirika la USAID katika kutoa huduma bora kwa wenye VVU. Hii ni sehemu ya matukio ya kuadhimisha miaka 20 ya mfuko wa PEPFAR Mkoani Iringa leo. Kushoto ni mwakilishi wa PEPFAR nchini, Jessica Greene na Mkurugenzi Msaidizi USAID Kitengo cha Afya nchini, Bi. Anna Hofmann.

Mkurugenzi Mkazi wa Shirika la Marekani la maendeleo ya Kimataifa (USAID), Bwana. Craig Hart, akikabidhi cheti cha shukurani kwa Mkurugenzi wa Shirika la FHI360, Bwana Bernard Ogwang, kwa kutambua mchango wa shirika hilo, likiwa ni moja ya Mashirika yanayofadhiliwa na Shirika la USAID katika kutoa huduma bora kwa wenye VVU. Hii ni sehemu ya matukio ya kuadhimisha miaka 20 ya mfuko wa PEPFAR Mkoani Iringa leo

Mkurugenzi Mkazi wa Shirika la Marekani la Maendeleo ya Kimataifa (USAID), Bwana Craig Hart, akikabidhi cheti cha shukurani kwa Mkurugenzi wa Shirika wa Nacopha, Bwana Deogratius Rutatwa, kwa kutambua mchango wa shirika hilo, likiwa ni moja ya Mashirika yanayofadhiliwa na Shirika la USAID katika kutoa huduma bora kwa wenye VVU. Hii ni sehemu ya matukio ya kuadhimisha miaka 20 ya mfuko wa PEPFAR Mkoani Iringa.

Mratibu wa Mfuko wa Dharura wa Rais wa Marekani wa Kukabiliana na Ukimwi (PEPFAR) nchini, Bi. Jessica Greene akizungumza katika hafla hiyo.

Mkurugenzi Mkazi wa Shirika la Marekani la Maendeleo ya Kimataifa (USAID), Bw Craig Hart (katikati), akipozi kwa picha ya kumbukumbu mjini Iringa leo, na baadhi ya wawakilishi kutoka mfuko wa PEPFAR, USAID na Mashirika yanayoratibu miradi ya Ukimwi inayofadhiliwa na PEPFAR kwa usimamizi wa USAID.

*Zaidi ya Dola za Kimarekani Bilioni 6 zatumika

*Mwaka 2022 pekee ikitumia Dola 450 milioni kupambana na maambukizi ya ukimwi nchini

Na Zuhura Rashidi, Iringa

SERIKALI ya Tanzania imeupongeza Mfuko wa Dharura wa Rais wa Marekani wa Kukabiliana na Ukimwi (PEPFAR), kwa jitihada zake katika kuleta matumaini mapya katika mikoa iliyoelemewa na mzigo mkubwa wa maambukizi ya ugonjwa wa HIV na Kifua Kikuu.

Pongezi hizo zimetolewa na Mkuu wa Mkoa wa Iringa, Bi. Halima Dendegu wakati wa ziara ya wawakilishi wa mfuko wa PEPFAR, Shirika la Marekani la Maendeleo ya Kimataifa (USAID), mashirika yanayotekeleza miradi ya ukimwi pamoja na waandishi wa habari mkoani humo wakitembelea miradi na vituo vinavyotoa huduma za ukimwi ikiwa ni sehemu ya matukio kuadhimisha miaka 20 tokea kuanzishwa kwa mfuko huo.

Mkuu wa Mkoa huyo alisema Iringa ni mmoja wa mikoa iliyoathiriwa sana na maambuki ya VVU lakini kwa msaada wa PEPFAR chini ya Shirika la USAID imewawezesha kuwa na vituo vya huduma na tiba (CTC) 261 kutoka vinane vilivyokuwepo awali, huku 136 vikiendeshwa na USAID vilivyosaidia kuleta mabadiliko chanya katika utoaji elimu na huduma bora kwa kutumia vifaa vilivyoboreshwa na wahudumu wa afya wenye elimu na ujuzi katika utoaji wa huduma bora za afya.

“Tafadhali pokeeni pongezi za dhati kutoka kwa Rais wa Jamhuri ya Muungano wa Tanzania Mhe. Samia Suluhu Hassani, tunashukuru sana kwa misaada tunayoipokea kwani tunatarajia kushuka kwa maambukizi mapya kwa magonjwa ya ukimwi, kifua kikuu huku tukiendelea kupunguza unyanyapaa kwa wenye VVU."

Awali akizungumza mafanikio miradi ya PEPFAR inayosimamiwa na USAID, Mkurugenzi Mkazi wa shirika hilo nchini, Bwana Craig Hart alisema tokea mwaka 2003 serikali ya Marekali imetoa zaidi ya Dola za Kimarekani Bilioni 6 ikiwa ni pamoja na Dola 450 Milioni kwa mwaka 2022 pekee katika kupambana na ugonjwa wa Ukimwi chini Tanzania.

“Mwaka 2003 ni watanzania 1000 tu waliokuwa wakipokea dawa za kupunguza makali ya VVU (ARV), leo wakati tukiadhimisha miaka 20 ya PEPFAR zaidi ya watanzania milioni 1.5 wananufaika na mpango huu wa tiba wa kuokoa maisha yao ikiwa ni asilimia 98 ya watu wanaoishi ya VVU."

“Misaada yetu kwa watu wa Tanzania ni uwekezaji wa baadae, kwani kufikia mwaka 2050 robo ya watu wote duniani wataishi Afrika, nchini Tanzania theluthi mbili ya idadi ya watu wakiwa ni vijana chini ya umri wa miaka 25, hivyo kufanya uwekezaji katika kizazi kijacho kuwa ni jambo muhimu mno na lisiloepukika”, anasema Bwana Hart.

Naye Mratibu wa Mfuko wa PEPFAR nchini Bi. Jessica Greene alimpongeza Mkuu wa Mkoa wa Iringa kwa kugusia maeneo manne ambayo mfuko huo umekuwa ukiyapa kipaumbele akiyataja kama; tiba, utoaji huduma bora, vituo vya afya na dawa za kupunguza makali ya VVU.

“Tumeungana na Serikali ya Tanzania katika kuhakikisha vipaumbele hivi vinafanikiwa na tutandelea kuhakikisha watu wenye VVU wanapata huduma boza za matunzo na tiba”, alisema Bi. Jessica.

Baadhi ya miradi inayofadhiliwa na PEPFAR chini ya usimamizi wa USAID ni USAID Afya Yangu Kanda ya Kusini unaolenga utoaji huduma jumuishi za matunzo, matibabu na kuzuia maambukizi ya VVU na kifua kikuu na kuboresha mazingira wezeshi ya utoaji wa huduma bora za afya katika mikoa sita ya kusini mwa Tanzania, huku mradi wa USAID Kizazi Hodari Kusini unaoangalia utoaji wa huduma jumuishi za watoto yatima na wanaoishi katika mazingira hatarishi pamoja na walezi wao ili kuboresha afya, ustawi na ulinzi wa watoto yatima pamoja na vijana katika mikoa 11, miradi hii ikiendesha na Shirika la Deloitte.

Mradi mwingine ni ‘Epic’ unaotekelezwa na Shirika la FHI360 uKjjikita katika kufikia na kuendeleza udhibiti wa janga la VVU huku ukijihusisha katika kutoa msaada wa kitaalamu na huduma za moja kwa moja katika kuondoa vikwazo kufikia malengo ya 95-95-95 ukilenga makundi maalumu wakiwemo wasichana, wamama vijana, wanaume na wanawake walio katika hatari ya kupata maambukizi ya VVU.

Aidha mradi wa ‘Hebu Tuyajenge’ ukishirikisha watu wanaoishi na VVU, unalenga katika kuongeza matumizi ya huduma za upimaji VVU, tiba na uzazi wa mpango mongoni mwa vijana balehe na wenye VVU ukitekelezwa na Baraza la Taifa la Watu wanaoishi na VVU Tanzania (NACOPHA).

Read More

Benki ya Absa yajizatiti katika kuwawezesha watoto wa kitanzania

Mkurugenzi wa Masoko ya Fedha za Kigeni wa Benki ya Absa Tanzania, Bi. Esther Maruma (wa pili kulia) akikabidhi fomu baada ya kusaini makubaliano yanayoashiria makabidhiano ya msaada wa fedha kiasi cha shilingi Milioni 10 kutoka benki hiyo kwa Kaimu Mkurugenzi wa Shirika la Kimataifa linalojishughulisha na Malezi mbadala ya Watoto wenye uhitaji la SOS Children’s Villages, Bi. Dorothy Ndege jijini Dar es Salaam leo. Kutoka kushoto ni Kaimu Mkurugenzi wa Wateja Wakubwa wa Benki yaAbsa, Bi. Nellyana Mmanyi na Mkuu wa Kitengo cha Masoko na Mahusiano wa Benki ya Absa Tanzania, Bw. Aron Luhanga.

ILI kuhakikisha watoto wa kitanzania wanafikia malengo yao ya kimaisha, Benki ya Absa Tanzania imetoa msaada wa kiasi cha Sh Milioni 10 ili kusaidia shughuli za uendeshaji wa Shirika la kimataifa linalojihusisha na malezi mbadala ya watoto lijulikanalo kama SOS Children’s Village.

Akizungumza katika hafla ya utiaji saini makubaliano ya msaada huo jijini Dar es Salaam leo, Mkurugenzi wa Masoko ya Fedha wa benki hiyo, Bi. Esther Maruma alisema msaada huo unaenda sambamba na lengo kuu la Benki ya Absa ambalo ni kuiwezesha Tanzania ya Kesho Pamoja, Hatua Moja Baada ya Nyingine ikiwa ni pamoja na kulikomboa Bara la Afrika Kiuchumi.

Akimwakilisha Mkurugenzi Mtendaji wa Benki hiyo katika hafla hiyo, Bi. Esther alisema, “Lengo la Benki ya Absa Tanzania ni kumuwezesha mtoto wa kitanzania kielimu, kiafya na kiuchumi hivyo ni imani yetu msaada huu utaleta chachu kubwa katika kuboresha maisha ya watoto wanaopata huduma mbalimbali katika kituo hiki”.

Akipokea msaada huo Kaimu Mkurugenzi wa Shirika la SOS Children’s Village, Bi. Doroth Ndege alisema shirika lao litaendelea kuimarisha mifumo ya ulinzi na usalama wa mtoto katika ngazi zote za jamii na hivyo kuwezesha ustawi endelevu wa jamii

“Msaada tunaoupokea utasaidia juhudi za shirika letu katika uanzishwaji wa vikundi vya hisa 210 na kugusa takribani wananchi 3150 katika mkoa wa pwani na Dar es salaam na hivyo kuboresha uchumi wao na hatimaye kuboresha malezi katika ngazi ya familia”, alisema Bi. Doroth.

Naye Mkuu wa Masoko na Mahusiano wa benki hiyo, Bwana Aron Luhanga alisema benki ya Absa Tanzania imejidhatiti katika kubuni miradi mbalimbali inayolenga kuzifikia jamii zenye mahitaji na pia kuongeza ushiriki wao katika shughuli za kijamii.

Read More

AZAKI WAJENGEWA UWEZO WA MATUMIZI SAHIHI YA TEKNOLOJIA

Wadau mbalimbali wanaoshiriki katika wiki ya AZAKI inayoendelea Jijini Arusha wamejengewa uwezo wa matumizi sahihi ya teknolojia katika ustahimilivu wa fedha ili kuziwezesha Asasi zao kujisimamia kiuchimi.

Akizungumza katika mdahalo uliofanyika Jijini humo, Mkurugenzi Mtendaji wa Taasisi ya FCS TRUST ambayo ni Kampuni tanzu ya Foundation For Civil Society (FCS) Arthur Mtafya amesema muda umefika kwa AZAKI kuwekeza miundombinu itakayosaidia kufanikisha mstakabali wa kukuza ustahimilivu wa fedha, na kuondokana na utegemezi wa wahisani wa nje.

Akizungumzia majukumu ya FCS TRUST, Mtafya ameeleza kuwa taasisi hiyo ilianziashwa kwa lengo la kutoa ushauri wa kitaalam kwenye maendeleo ya AZAKI na uwekezaji, kwaajili ya kutengeneza faida na kuchangia kwenye ustahimilivu wa taasisi mama ya Foundation For Civil Society.

Aidha, ametoa ushauri elekezi na mafunzo kwa AZAKI, ambapo taasisi hiyo pia imefanya uwekezaji kwenye maeneo mawili ambayo ni Soko la Mitaji na kwenye majengo.

"Kwa sasa tuna mikakati ya miradi miwili ambapo tuna jengo ambalo tunatarajia kulipangisha ili tupate faida, pia tumewekeza kwenye soko la mitaji na tayari tumeshaanza kupata faida kidogo ambayo baada ya muda tunaamini tunaweza kupata mtaji utakaowezesha kufanya uwekezaji kwenye maeneo mengine mbalimbali kwa ajili ya kupata fedha itakayochangia kuimarisha ustahimilivu wa kifedha wa taasisi mama". amesema Mtafya.

Pia, amefafanua kuwa moja ya eneo ambalo taasisi hiyo inalifanyiakazi ni kuzijengea uwezo AZAKI, na kwamba kwenye mdahalo huo wamepata fursa ya kuwasilisha kile ambacho wanafanya katika matumizi ya teknolojia inayosaidia ustahimilivu wa fedha.

"FCS Trust tuna uzoefu wa kutengeneza mifumo ndani ya hizi taasisi ambayo inaweza kurahisisha mambo yao mengi ya ndani lakini pia namna ya kuwasiliana na taasisi za nje".ameongeza Mtafya

Read More

VICTORIA FINANCE NA PASS WAUNGANA ILI KUWAWEZESHA WAKULIPA KUPATA MIKOPO KIDIGITALI

Mkurugenzi Mtendaji wa Victoria Finance, Bw. Julius Mcharo (wapili kushoto) akizungumza wakati wa hafla ya kuingia mkubaliano yakufanya kazi pamoja kuwaweesha wakulima kujipatia mikopo watatu kulia ni Mkurugenzi Mtendaji wa Pass Yohane Kaduma pamoja na maafisa wengine kutoka Taasisi hizo.

Dar es Salaam, 23 Oktoba 2023. Victoria Finance kwa kushirikiana na PASS Trust,  inatoa mikopo kwa wajasiriamali wa kilimo (Kilimo Pesa) kupitia dhamana ya mikopo kwa njia ya kidijitali kupitia PASS Trust, lengo likiwa ni kutoa huduma muhimu ya mitaji kwa wajasiriamali wa kilimo.

Victoria Finance imeanzisha huduma hii ya kidijitali ili kukidhi mahitaji ya mitaji kwa wakulima na wafanyabiashara wadogo  waliopo kwenye mnyororo  wa thamani wa kilimo, ikiwa ni pamoja na wale wanaojihusisha na biashara za mazao ya kilimo na mifugo. Kwa kutambua changamoto wanazokabiliana nazo wajasiriamali hawa, taasisi hiyo imeanzisha aina mbalimbali za mikopo ya muda mfupi ili kuimarisha biashara zao kwa ufanisi, urahisi na kwa uhakika zaidi.

Mkurugenzi Mtendaji wa Victoria Finance, Bw. Julius Mcharo kushoto pamoja na Mkurugenzi Mtendaji wa Pass Yohane Kaduma wakisaini mikataba ya makubaliano ya  yakufanya kazi pamoja kuwaweesha wakulima kujipatia mikopo.

 

 Mkurugenzi Mtendaji wa Taasisi inayowasaidia wakulima, wafugaji na wajasiarimali wote kwenye sector ya. Kilimo Biashara, ikupata mitaji katika benki ili waweze kuwekeza Pass Yohane Kaduma (watatu kulia), akizungumza wakati wa hafla ya kuingia mkubaliano yakufanya kazi pamoja kuwaweesha wakulima kujipatia mikopowapili kushoto ni Mkurugenzi Mtendaji wa Victoria Finance, Bw. Julius Mcharo pamojana maafisa wengine.

 

Mkurugenzi Mtendaji wa Victoria Finance, Bw. Julius Mcharo akizungumza katika tukio hilo amesema, “Dhamira yetu ni kutoa mitaji kwa wajasiriamali wa kilimo itakayo saidia kustawi kwa sekta ya kilimo. Mikopo hii imeundwa kwa kusudi la kusaidia gharama za mavuno, gharama za usindikaji, na gharama za maghala/kodi za maghala, ili wajasiriamali waweze kunufaika zaidi katika shughuli zao.”

Wajasiriamali wanaweza kupata mikopo kuanzia Shilingi za Tanzania 100,000 hadi 1,000,000 kwa mtu binafsi au kikundi kulingana na mahitaji yao. Pia kiasi hiki cha mkopo kinaweza kutolewa kwa njia ya simu ya muombaji, ili kurahisisha  malipo ya fedha kwa wakati na wakati huohuo kurahisisha urejeshwaji wake kwa wakati.

Mkurugenzi Mtendaji wa PASS Trust, Bw. Yohane Kaduma, amesema, “Tunaamini kwa dhati kuwa sekta ya kilimo ndiyo nguzo ya uchumi wa nchi yetu, na ushirikiano wetu na Victoria Finance ni ushuhuda tosha wa kusaidia sekta hii ya kilimo. Ndiyo maana sisi PASS tunatoa dhamana za mikopo ya kidijitali kupitia simu za mkononi, kuruhusu wakulima kupata huduma  ya mikopo kutoka kwa taasisi za kifedha tukianza na taasisi ya Victoria Finance.”

Hata hivyo ushirikiano huu kati ya PASS na Victoria Finance unaonyesha dhamira ya kuendelea kuwawezesha wajasiriamali wa kilimo, kukuza mnyororo wa thamani wa kilimo, na kuchangia katika maendeleo ya kiuchumi ya Tanzania. 

Kuhusu Victoria Finance

Victoria Finance ni taasisi ya kifedha yenye sifa njema inayojitolea kutimiza mahitaji ya kifedha kwa wakulima wadogo, biashara ndogo na za kati, na wajasiriamali waliopo kwenye mnyororo wa thamani wa kilimo nchini Tanzania. Huduma nyingine za mikopo zinajumuisha mikopo ya biashara, ufugaji, elimu, nyumba, karadha na mikopo maalumu ya wajasiriamali wanawake. Taasisi ya Victoria Finance ina matawi Dar es Salaam, Dakawa-Morogoro na Madibira Mbeya.

 

Read More

SERIKALI YAOMBWA KUTOFAUTISHA KAZI ZA CSO's NA NGO's

Serikali imeombwa kutofautisha kazi zinazofanywa na Asasi za Kiraia (CSO's), na Asasi zisizo za kiserikali (NGO's) ili kila Mhimili uweze kufanya shuguli zake kwa ufanisi.

Ombi hilo limetolewa na Rais wa foundation for civil society (FCS) Dkt. Stigmata Tenga alipokuwa akifunga rasmi Wiki ya Asasi za Kiraia (AZAKI), iliyofanyika kwa juma moja kuanzia Octoba 23 hadi 27, 2023 Katika Kituo cha Kimataifa cha Mikutano AICC Jijini Arusha.

Amesema kuwa Asasi za Kiraia zitaendelea kuboresha mahusiano mazuri yalipipo kati yao na Asasi zisizo za Kiserikali kwa kuwa wadau wote hao wana jukumu la kuhakikisha wanafanya kazi zao kwaajili ya kuimarisha maendeleo ya Jamii na Taifa kwa ujumla.

"Asasi za Kiraia tutaboresha mahusiano yetu na Asasi zisizo za Kiserikali kwani nchi hii ni yetu, tunaifahamu, na sauti tunazoleta Serikalini ni sauti za wananchi wa nchi hii" amesema Dkt. Tenga.

Ameiomba Serikali kuendeleza ushirikiano na kuwasaidia, kwani wana ajenda nyingi ambazo wanashindwa kuzifanyia kazi kutokana na ushindani uliopo baina ya Asasi hizo.

Katika hatua nyingine, Dkt. Tenga ametangaza kusogezwa muda wa kufanyika Wiki ya AZAKI Kutoka mwezi Octoba kama ilivyo sasa, ambapo kwa mwaka wa 2024, Wiki hiyo itafanyika tarehe 26 hadi 30 mwezi Agosti.

"Tumefanya tathimini ya faida ambayo wana AZAKI wanaipata kwa kushiriki katika makongamano mbalimbali kwa mwaka, na umuhumu wa hayo matamasha yote kupitia kamati tendaji, tunatoa mapendekezo ya kufanya Wiki ya Asasi za Kiraia mwakani, iwe tarehe 26 hadi 30, mwezi Agosti" amesema Dkt. Tenga.

Wiki ya AZAKI 2023 iliyoanza Octoba 23 imehitimishwa rasmi leo Octoba 27, 2023 Jijini Arusha, ambayo imewaleta pamoja Asasi za Kiraia (AZAKI) kutoka Tanzania nzima kwa lengo la kujadili na kuboresha ushirikiano wa kimkakati.

Kauli mbiu ya Wiki ya AZAKI 2023, ni 'Teknologia na Jamii, Tulipotoka, tuilipo sasa na tunapoelekea, kuangazia fursa na changamoto zinazotokana na ulimwengu wa teknolojia unaoendelea'

Read More